被指介入楊思琦和李泳豪9年情的第三者Andy Ng真面目前日曝光後，昨日又有驚人消息，Andy原來不是有米富商，而是前香港跳水隊隊員吳帥。吳帥家境不但不富裕，昨日有人報料指他經常借錢唔還，數年前被追討數萬欠款，最後為避債而避走內地。昨日思琦被問到與吳帥拍拖一事，她一概拒絕回答。

楊思琦被指搭上北京富商Andy Ng而狠撇拍拖9年男友李泳豪，甚至一度傳出她懷有Andy骨肉。前日網上流傳一張今年5月思琦與母親在南京跟一男子購物照片，相中人正是Andy 。不過，本報昨日接獲消息，Andy 原來不是有米富商，而是前香港跳水隊隊員吳帥，後轉職游水教練。在10多年前，楊思琦就讀香港教育學院時，她便透過其教育學院同學、前香港跳水代表隊成員俞越跟吳帥認識並拍拖，就算思琦01年當選港姐冠軍後，二人仍一直交往，分手後思琦跟李泳豪拍拖，直至去年思琦重投吳帥懷抱。

楊思琦昨日拍攝無綫節目，未肯就跟吳帥拍拖一事回應。

逃到內地避債

一直有傳吳帥家境富裕，現於內地經商，但本報昨日接獲讀者報料，指吳帥家境一般，近年吳帥到內地做生意，並指吳帥在港時經常向友人甚至學生家長借錢，但每次吳帥借錢後總藉口多多拒絕還款。讀者其中一友人數年前便借了吳帥近5萬港元，雖然當時吳帥寫下借據，但一直拒絕還錢，其後索性避走內地避債，取消所有香港電話號碼。

被指搭上吳帥的思琦，昨午到太子道一寵物店拍攝無綫節目《寵愛有家》，其間她坐在外景車上對稿時，不慎露底。記者問她是否跟吳帥交往，她未有回答，問是否請大假？思琦否認道：「我冇請大假。」是否今年結婚和懷孕？她說：「我唔會回應任何嘢。」

思琦與Andy Ng（左）早前在南京購物，Andy原來正是前香港跳水隊隊員吳帥。

吳帥唔算帥，樣子像李泳豪，都是粗眉大眼膚色黑，思琦妹口味始終如一。　資料圖片

在車上睇稿期間思琦不慎露底。

樂易玲撐思琦

此外，無綫高層樂易玲昨日出席活動，她指今年初已知思琦和李泳豪分手，當時李泳豪也知情，她說：「點會唔知，都搬走晒！嗰陣志偉想搵佢哋出trip拍嘢，但思琦推咗話公司唔鍾意，我當時都同思琦講叫佢坦白話畀人知佢哋分開咗，但佢畀我感覺係想等件事丟淡啲先。」

樂易玲還指思琦倔強，為感情可不顧一切，她說：「有段時間佢推工作，好似要拍kiss戲，佢就唔肯，當時我都同佢傾過，之後都有改善。我都有同過豪仔講，見佢喺大學讀電影，叫佢試吓轉做幕後，我仲話思琦唔係個貪錢嘅女仔，唔會介意，點知同佢講完後個幾星期，就有雜誌寫話我棒打鴛鴦，當時以為自己多事，自此冇再理佢哋嘅感情事。」

至於有傳思琦請了九個月大假，樂小姐即代澄清：「一日都冇請過，佢好勤力，佢仲同我哋講要供樓，話家乜都肯做，要kiss要拍被姦佢都OK，仲叫我哋唔好嬲佢之前咁。」

人物誌：吳帥被罰停賽三年

現年 31歲的吳帥自 7歲開始練習跳水，曾代表香港出戰第八屆全運會及 98年曼谷亞運會， 20歲時因腰傷未能根治而退役。他轉職教練後曾宣佈復出參賽，但 02年被香港游泳總會罰他停賽三年，他被指違反紀律，在未有知會泳會情況下私自與運動員到廣東訓練，又在擔任港隊教練期間誤導選手。雖然吳帥有簽悔過書，但泳會一方指他未有改善，所以罰他停賽三年。吳帥雖然不服上訴，但被駁回，自此少有在泳壇出現。