《神探高倫布》大結局劇透 布布露點 娃娃陪浴

重口味停不了

祥仔露點 馬賽陪浴

金牌監製李添勝操刀嘅無綫劇《神探高倫布》,唔經唔覺都播咗三分一,唔少網民大彈套劇沉悶兼重口味,但正如添哥話齋,劇情會越嚟越好睇。下個禮拜劇情講到中咗槍嘅黎耀祥醒番,不過佢已經唔記得咗高倫布嘅身份,變番戇直嘅高大喜,仲忘記咗馬賽。但係馬賽唔單止冇放棄呢段感情,仲搬埋去祥仔屋企一齊住,照顧起居飲食又幫佢沖涼,貴為視帝嘅祥仔仲慷慨露兩點㖭。

而注射咗高倫布腦細胞嘅敖嘉年亦醒番,不過變咗另一個高智商、冷酷無情嘅高倫布,經常欺壓祥仔,仲威逼祥仔喺屎坑幫佢執戒指,見祥仔搞到周身屎,認真重口味。唐詩詠則繼續同馬賽鬥過你死我活,仲捲入咗一宗謀殺案,馬賽追查之下發現一個重大秘密。


■馬賽對失咗憶嘅黎耀祥不離不棄咁照顧,仲第一次幫男人沖涼㖭!電視圖片


■做番高大喜嘅祥仔,俾敖嘉年威迫之下走到屎坑執戒指,認真重口味。
電視圖片


■(左起)蕭正楠、祥仔同馬賽呢段三角關係認真微妙,嗒落有味。
電視圖片

自薦拍AV

另外,好多人話睇唔明《神》劇,噚日一班演員喺觀塘出席宣傳嗰陣,祥仔話:「成日話我哋冇新意,啲劇橋段太簡單同老套,複雜少少又話唔明,做演員同電視都好難做,捉曱甴又話我AV眼,咁講我咪可以拍AV去日本進軍藝能界,拍套鹹濕捉曱甴。」


■《神探高倫布》一班演員噚日去咗觀塘做宣傳。

主角下場

《神探高倫布》首周平均收視只得 26點,不少網友插悶劇一場。不過劇情尾段,四個主角下場唔係死就做植物人,啱晒鍾意睇煽情戲的師奶觀眾,希望能夠挽回收視。

神探高倫布,結局篇,剧情,剧透

唐詩詠慘死
本身是殺人犯的唐詩詠,遭敖嘉年擒獲,被判繯首死刑。

敖嘉年姦唐詩詠
敖嘉年與黎耀祥因中槍同時變植物人,祥仔的腦細胞轉移了給敖嘉年,令他同時擁有祥仔的性格及高智商。而唐詩詠的女兒(由唐分飾)返港向敖嘉年報殺母之仇。豈料被識穿,敖還強姦了她。

黎耀祥搶馬賽贏蕭正楠
馬賽知道被祥仔欺騙感情後,一度投向蕭正楠懷抱,但其間她被敖嘉年害到昏迷,甦醒後她決定重投祥仔身邊。