今日係愚人節，攞正牌整蠱人？但有啲大話，真係唔好亂講。

亞視昨日已經率先送了份由「白武士救亞視」變成「白白冇咗件事」嘅鬧劇，估唔到剛才蔡少芬都送了個「詐彈」給大家：宣佈同張晉離婚。

今早蔡少芬於微博寫道：「想不到昨天還《為她而戰》……今早就得到壞消息。。原來我老公睇一點都不愛我！我想告訴你們，我們決定離婚了！再見張晉！後會無期！對不起愛我們的人……對不起欄目組……對不起！」

記者即致電蔡少芬經理人若蘭求證，她說：「我問咗佢呢件事，今日愚人節，佢係同大家開玩笑，但我覺過份咗，已經話咗佢，叫佢唔好咁樣樣，希望大家原諒佢，佢以後唔會喇。」

蔡少芬亦馬上於微博回覆網民謂：「記者打給我經理人，問是否真的離婚！愚人節嘛。張晉，我錯喇，原諒我吧！我錯喇對不起我的愛人！對不起我的經理人！對不起我所有傳媒朋友！但你們真的給我愚弄了。總之愚人節快樂，哈哈哈…」還呼籲大家記得看她同張晉的內地綜藝節目《為她而戰》。