公主驕語第三話 流放北京磨礪大駙馬 蕭正楠出賣後庭博同情

由萬千寵愛的歌手成為自食其力的演員,蕭正楠未有抱怨,只想往前看。攝影:陳順禎

由萬千寵愛的歌手成為自食其力的演員,蕭正楠未有抱怨,只想往前看。攝影:陳順禎

由被熱捧歌手變做三線演員,蕭正楠兩年前返無綫,一簽六年約,忘記以往八人護駕的風光日子,孤身上路,卻又學會謙卑、懂事,在電視城重新開始,一切總不算太差,拍完《宮心計》,接棒演《公主嫁到》,飾演怕事、軟弱的大駙馬,終日被大公主虐待,連後庭都逃不過厄運。 撰文:楊潔雯

蕭正楠 08年再簽約無綫,不過今次不是簽歌手合約,他簽約成為無綫合約藝員,為期六年。返到無綫兩年,拍過四部劇集,也不算太差吧!其中兩部都是收視口碑都賣座的《宮心計》、《公主嫁到》,運氣也不俗!

劇中蕭正楠經常被扮演大公主的陳敏之欺負,連屁股都不能倖免。電視圖片

劇中蕭正楠經常被扮演大公主的陳敏之欺負,連屁股都不能倖免。電視圖片

繼《宮心計》後,蕭正楠(左)再度獲梅小菁賞識在《公主嫁到》中扮演大駙馬。劇照

繼《宮心計》後,蕭正楠(左)再度獲梅小菁賞識在《公主嫁到》中扮演大駙馬。劇照

叫敏之放心打

雖然演的不是主角,但蕭正楠同樣投入認真地演好角色。

雖然演的不是主角,但蕭正楠同樣投入認真地演好角色。

蕭正楠第一時間想多謝再給機會他的監製梅小菁,他說:「真係要多謝小菁姐,我返嚟可以拍到佢嘅劇,拍完《宮心計》,仲可以再拍《公主嫁到》,今次大駙馬呢個角色仲有得發揮,雖然大駙馬係好似軟弱無能,又成日俾大公主恰,俾佢兜巴星,又要俾佢虐待,好彩觀眾反應都係可憐我,唔係憎我。」講到劇中大公主虐待大駙馬,除了手瘀腳瘀,就連臀部都不放過,劇中大駙馬更欲脫褲子向演多祿的陳豪展示傷勢。
四個駙馬,各有不同,大駙馬算是最弱、最慘、最可憐的一個,他有好多場戲都要被大公主虐打、扭耳仔、喝罵,蕭正楠說:「成日都要俾公主打,好彩同敏之幾熟,大家夾得好,好多次俾佢打,我事前都叫佢大力打落嚟,最初佢唔敢打落嚟,打落嚟只係聽到陣風,之後我叫佢放心打,先有更好效果。」他續說:「雖然最初都係成日俾人鬧俾人打,好似好慘咁,之後大公主俾人趕走,我都有跟佢一齊走,之後仲感情好好,真係患難見真情。」
講到香港跟內地的電視製作,曾經在內地歷練了一段日子的蕭正楠說:「咁真係兩樣嘢, TVB係好有制度,家都好有人情味,唔會俾你踩到好辛苦。」被流放在北京的日子裏,蕭公子變回蕭正楠,他真真正正體會到生活的實在,他說:「以前出嚟就咁多人圍住你,又有少爺脾氣,根本唔知自己其實好細,好多時候係有代價,你越紅越忙,可能你會周身病痛,我家對所有嘢係順其自然,感覺輕鬆自在。」

成熟學會放低

似是放低不少,又成熟了一點, 33歲的蕭正楠對工作並不是無期望,不過,他最怕太大期望又一再失望,他說:「我仍然好鍾意唱歌,你問會唔會主動搵唱片公司,我一定唔會,仲想唔想出碟、拎最受歡迎男歌手,我就諗都唔會諗,當然如果有主題曲畀我唱我已經好開心,總之有嘢畀我做,家我一定會努力做,因為我知道我已經唔細喇!」

笑聲之最
最好笑同劇男演員 陳豪

《公主嫁到》故事以佘詩曼嫁給陳豪之後發生一連串的趣事為故事骨幹。劇照

《公主嫁到》故事以佘詩曼嫁給陳豪之後發生一連串的趣事為故事骨幹。劇照

「估唔到陳豪神高神大,可以話暈就暈,佢演到個角色好跳脫,仲有好多搞嘢表情,因為佢畀人印象好正經,所以同佢一齊演覺得好意外。」

最好笑同劇女演員 佘詩曼

「佘詩曼畀我感覺佢揮灑自如,做得好自然,好多角色都難唔到佢,今次演刁蠻三公主,表情又精靈,佢同阿 Mo(陳豪)一齊真係好有火花。」

最好笑自己演出的一幕 失心瘋展示傷勢

蕭正楠欲除褲展示給陳敏之打傷的傷勢,讓陳豪看個究竟。電視圖片

蕭正楠欲除褲展示給陳敏之打傷的傷勢,讓陳豪看個究竟。電視圖片

「最深刻就係有一場大駙馬向多祿哭訴自己受大公主毒打虐待,又講出自己為咗家族犧牲做駙馬嘅經過,嗰場好搞笑,我話要俾大公主虐打嘅傷畀多祿睇,自己失心瘋連『後庭』嘅傷都打算畀多祿睇。」