黃浩然坦言初到無綫拍劇時表現麻麻，幸好適應後他自覺已改善不少。

入行 14年由影圈跳入電視圈的黃浩然，日前在將軍澳電視廣播城接受訪問，回想最初因杜琪峯狠批他的演技而轉投無綫拍劇，他也迷茫了一段日子，他說：「啱啱入 TVB嗰陣，覺得自己回晒塘，表現好差，直到拍《碧血鹽梟》先捉番晒所有感覺，仲學埋唔使瞓。嗰陣我叠住拍《公主嫁到》同《義海豪情》，試過一個月內連續拍 50、 60個鐘戲未停過，以前我會發脾氣，家覺得係福氣。」

想嘗試奸角

《公主嫁到》中，黃浩然和鍾嘉欣最終排除萬難，大團圓結局。劇照

提起在《公主嫁到》中飾演戇直三少金多壽，黃浩然大呼過癮：「雖然我拍電影嗰陣都拍過古裝喜劇，但通常係 supporting角色，冇試過有一條自己嘅感情線去鋪排，我今次有兄弟情、母子情同埋愛情線。我下次仲想試吓做奸角，最緊要係奸到盡。」
講到三少金多壽，不得不提他與飾演吳四德的鍾嘉欣的一段情，黃浩然笑說：「拍嗰陣已經知效果，笑中有番個感情位，但其實兄弟情都好睇，大家拍得好過癮，我哋三兄弟私底下 friend到不得了。」
黃浩然又大讚鍾嘉欣說：「佢只係內斂啫，其實佢本身都幾搞笑，我哋第一日開工，就係拍佢飲咗迷姦水嗰場戲，劇本寫係要好放去做，開頭都有啲尷尬，嘉欣有問我點做？問我點樣發姣呀？我咪叫佢姣幾嘢嚟睇先，跟住叫佢放膽去做，鍾嘉欣做呢啲嘢已經好大震撼，佢個角色好出，我哋 warm up咗一陣，越拍越順。」

渴望代表作

被嘉欣色誘的戲份，黃浩然覺得真的很搞笑。
電視圖片

說到底浩然是拍電影出身，問他會否最終希望做回老本行？他說：「我想 train番好啲演技，打番好啲基礎再出去，始終投資咗四年拍電視，觀眾開始接受我，所以我希望可以盡快有一齣劇，令觀眾對我有再深刻啲嘅代表作。」