李若彤放風全面復出 願返內地拍劇

李若彤今日去尖沙嘴出席朱古力展覽活動,佢講笑咁話鍾意以甜品當正餐,每日最少食10粒朱古力,好彩工作同運動消耗量大,所以從不擔心影響身形。

家陣李若彤目前忙於拍攝無綫劇集《M Club》,唔少人讚佢狀態大勇,問到會否繼續拍劇?李若彤話:「套劇最快拍到10月尾,不過依家有唔少劇集同電影搵我,等我拍晒劇先再諗。只要唔係太辛苦,角色吸引就冇所謂,我唔會為錢而去做。」

至於會否再同無綫合作?李若彤表示:「我諗短期內唔會,因為我聽聞呢套劇有好多嘢係額外,好多劇冇嘅!之後會唔會有額外呢?真係要諗真啲!」但佢又話唔介意返內地拍劇:「我唔怕悶,反而要睇時間,如果要我12月、1月去橫店就唔會,因為太凍喇!我試過全身貼晒十一個暖包都打冷震,記憶猶新!」

李若彤

李若彤

李若彤

李若彤

李若彤

李若彤