《神鎗狙擊》岑麗香逼爆小背心跑步 收視24點

陳豪同岑麗香今日應邀到停泊喺尖沙嘴碼頭嘅古船濟民號,出席手錶活動。香香低胸上陣,湖水藍晚裝輕露事業線,明艷照人。被問到跟大隻仔溫家偉嘅緋聞,包括指男方明明冇工開都陪香香喺電視城打發時間、又指家住將軍澳君傲灣嘅大隻仔,家陣經常喺香香居住嘅將軍澳中心出現,越玩越埋!

香香今日否認謂:「只係咁啱一齊返公司食個tea,大家係friend啲,都係外國返,又合作過幾次,好多飲食節目都拍檔過。」大隻仔大讚香香完美,似乎有意追求,不過女神香香不為所動:「唔覺得佢追我,我諗係誤會,我連一餐飯都喺公司食,邊有機會拍拖。」香香擇偶表示外型唔重要:「最緊要心哋好,另一半可以令自己進步,神會安排Mr.Right畀我。」


香香上圍唔算好big爆,但咁樣著,就好惹火!只可惜,已經冇大隻仔溫家偉嘅事喇!(右圖)


左邊嗰位都係主禮嘉賓?


對住陳豪,交足戲。

對住廣告客戶,啲戲更勁!

吹啊吹…風繼續吹啊!

岑麗香逼爆小背心 得24點

香香岑麗香噚日喺無綫劇集《神鎗狙擊》穿性感小背心跑步練體能,成功凸圍。最令人費解係何以個個男隊員都著Tee,但得香香一個著迫爆小背心彈吓彈吓,同謝天華點解徒手攀石嗰陣唔用藍芽,竟然要用攞部手手提電話出嚟聽咁危險囉。

今日問番香香點睇呢件小背心?佢話:「服裝係特別設計,因為角色特別,要喺男仔埋中突出自己嘅實力,我都明白,呢個係talking point,希望觀眾朋友留意每一個演員。」不過香香件小背心似乎未能帶挈收視,噚晚平均收視只有24點(約154萬人次),最高亦只升一點有25點(約161萬人次),成績麻麻。

《神鎗狙擊》岑麗香逼爆小背心跑步,小背心香香C奶跌盪終於出場