去年港姐「最上鏡小姐」岑杏賢，喺無綫工作量唔算多，咁冇乜嘢做可以點呢？約三五知己食飯吹水同夜蒲囉﹗噚晚11點幾，岑杏賢同幾名男女友人，一行五人到灣仔晚膳，跟住再轉場到中環夜蒲，不過適逢係星期六，好多夜場及酒吧都爆滿，岑杏賢朋友先行離開，得番佢同另一男伴，兩人喺車廂內共對調情四小時，兩人表現曖昧，期間男方手指個嘴，好似示意要岑杏賢錫錫，但女方唔肯，搞到男方好冇癮，岑杏賢就施冧功嗲番對方，但最後都冇錫到。

另外，岑杏賢今日原本要出席無綫活動，但最後唔舒服冇嚟，得番張名雅等撐場，梗係啦，蒲到咁夜實唔夠瞓。

岑杏賢約埋三五知己食飯夜蒲。

岑杏賢喺車廂內等男伴。

唔知佢噚晚玩得開唔開心呢？

岑杏賢係去年最上鏡小姐。（資料圖片）

岑杏賢喺車廂等候男伴。