雖然睇親都鬧，不過依然有人睇無綫新劇《神探高倫布》，周一晚嘅收視有25點（161萬人），仲好過《金枝慾孽貳》（23點，148萬人）?，因為呢套劇被稱為cult爆神劇！已經升呢叫做《神劇高倫布》嘅《神探高倫布》，前晚一集講到變奸嘅包平安（敖嘉年）嫌自己智商唔夠高，逼腦科醫生換「布布」黎耀祥嘅腦細胞畀佢，搞到佢兩個由天台打到上天堂，鏡頭一轉有個雷劈落嚟，兩個「叮」一聲換晒衫繼續打，變成兩個有超能力嘅強人對打！有網民話激似《22世紀殺人網絡》，亦有人覺得似足遊戲game《街頭霸王》！

■敖嘉年使出旋風腿，祥仔即刻chok樣還擊，呢round和呀！設計對白

祥仔微博狂呻

不過，唔慣被批評嘅兩屆視帝祥仔，前晚忍唔住喺微博留言抒發吓感受：「感謝支持的朋友，每次演出對我都是一個寶貴的經歷，無論成敗，總可從中學習。得失不重要，能夠明白當中的過程，才是一生受用。」而敖嘉年噚日喺電話度話佢知好多人話鍾意呢幾場戲，佢認為總有人鍾意、亦有人唔鍾意：「我唔會氣餒，有人鬧即係有人睇，鍾唔鍾意都睇埋啦！」

《街頭霸王》

■本報冇另加特別效果，確實個畫面本身發光，好神化呀！

■打打吓布布俾雷打中，結果……反而勁咗喎！

網民笑高倫布時空穿梭

《神探高倫布》雖令到觀眾叫悶，大家都不明劇情講什麼，但難得無綫就有一班忠實粉絲，即使看不明白也到討論區，與一眾網民討論，就如昨日有網民將前晚的片段放上網，繼首集出現現代版棺材車及有警告字樣香煙後，前晚祖尊尼亞與蕭正楠等演出一幕戲，背景見到最新款遊艇兼分體式冷氣機，於是網民先問﹕「是否高倫布進入了時空穿梭狀態，所以出現這些鏡頭不是錯，只是觀眾質疑錯了？」亦有網民指該劇並非時空穿梭戲分，所以只是大家睇到眼花而調亂了。

黎耀祥：之後仲誇張

《神探高倫布》前晚播出的劇情再被網民狂轟誇張荒誕，兩位劇中演員各自「發聲」力挽狂瀾。祥仔接受電話訪問時笑言：「大家不如當漫畫睇，（劇情）之後仲誇張！」敖嘉年則稱不覺劇情誇張，並謂：「有批評即係有人睇，係好事嚟。」

《神探高倫布》前晚劇中遠處出現分體式冷氣機（箭嘴示）及新款遊艇（箭嘴示），令觀眾也分不清楚年代。（電視圖片）