杜汶澤聲音演繹事後感 爆粗狂轟《3D肉蒲團》

阿澤聲援網友
爆粗狂轟《肉蒲團》

號稱全球首部 3D情慾片的《 3D肉蒲團之極樂寶鑑》,有觀眾看完力斥貨不對辦,更有網友強烈要求懷疑老點露點的雷凱欣道歉,又有網友以爆粗文狂轟,文章在網上瘋傳,杜汶澤就讀出這段潮文,並於前日將聲帶上載到 YouTube「聲」援網友,加入鬧爆行列。

近日網上流傳一篇《 3D肉蒲團之極樂寶鑑》的網友觀後感(詳見附文),文中用盡粗口鬧爆片中的假 3D、血腥場面多於性愛,以及質疑雷凱欣沒露兩點等。不時聲演動畫的杜汶澤,化名杜 X澤讀出那篇文章,聲帶前日上載到 YouTube,點擊累積逾 19萬人次。

阿澤讀出那篇文時忍笑忍得很辛苦,背後更有疑似其妻田蕊妮的笑聲。記者昨致電阿澤,他說:「呢篇文喺網上好流行,有日開會好悶,咪讀咗出嚟。」阿澤又否認背後的女聲是其妻。

雖然阿澤未看《肉蒲團》,但看到該段潮文就有感而發:「好想演繹呢位年輕朋友睇完部戲寫嘅主觀感受,我哋身為電影工作者,只係從藝術角度拍嘢,好少喺觀眾角度睇,今次我正好嘗試代入去。」阿澤讀到爆粗字眼時,非常流利,他笑言:「我喺電影都講過爆粗對白,我覺得呢篇文好情真意切,我完全感受到作者心情,仲想幫佢抒發出佢痛苦嘅感受,但呢篇潮文唔代表我嘅立場。」

一向愛搞鬼的杜汶澤「聲」援網友,用粗口鬧爆《 3D肉蒲團》。br/資料圖片

一向愛搞鬼的杜汶澤「聲」援網友,用粗口鬧爆《 3D肉蒲團》。
資料圖片

雷凱欣(左)在《 3D肉蒲團》中的性感演出不及日本 AV女優周防雪子來得徹底。<br/>資料圖片

雷凱欣(左)在《 3D肉蒲團》中的性感演出不及日本 AV女優周防雪子來得徹底。
資料圖片

《 3D肉蒲團》監製蕭定一昨和太太一家人往馬爾代夫度假。<br/>資料圖片

《 3D肉蒲團》監製蕭定一昨和太太一家人往馬爾代夫度假。
資料圖片

票房逾 1800萬

英國《每日郵報》亦有報道《 3D肉蒲團》的票房力壓《阿凡達》。

英國《每日郵報》亦有報道《 3D肉蒲團》的票房力壓《阿凡達》。

另外,《肉蒲團》上映一周,截至前日票房共收 1,844萬,就連英國《每日郵報》都有報道該片票房大收,更以該片香港開畫成績力壓占士金馬倫( James Cameron)執導的 3D巨製《阿凡達》( Avatar)作標題。該報前日訪問了監製蕭定一,他指電影在台灣上映取得 1,700萬新台幣票房,是今年台灣最佳華語片開畫成績。對於阿澤「聲」援網友,蕭定一說:「佢唔應該同 80後一齊癲,成熟嘅人應有成熟思維,除非佢(杜汶澤)同佢哋一樣,我覺得佢要睇完套戲先講。」

網友《肉蒲團》觀後感節錄

註:原文有粗口,現以 X代替,分題為本報後加

點解好地地一套鹹片,會血仲多過汗/精?慘叫、哀號仲多過呻吟、叫床?點解好地地一套 3D鹹片, 3D嘅竟然係子彈、飛刀、石頭、血、內臟,而完全唔關性愛事?我唔想睇子彈飛刀,要睇子彈飛,我睇《讓子彈飛》唔好?點解好地地一套鹹片,會咁血腥?爆頭、腰斬、斷手、斷腳……統統有齊,我入嚟係睇你點做愛,唔係睇你點做低人呀。唔好講話 AV,一套色情電影最重要嘅元素係乜呢?冇錯,就係女主角。兩大專業 AV女優、藍燕……仲有我哋香港代表雷凱欣,但係事實又係點呢?原紗央莉竟然用配音,我哋平日睇 AV都係聽唔到啲 AV講乜 o架啦,聽番日文有乜問題?仲原汁原味㖭啦!

戥周防雪子慘

仲有,周防雪子俾人打到皮開肉綻,大佬呀,用不着玩 SM吓話?你估個個觀眾都咁 X重口味?重點場面葉山豪一挑十幾多 P,冇一個正常,我就真係想叫佢哋扯呀!
Fine,原紗央莉我可以唔睇,周防我可以唔睇,臨記都當佢哋冇到,我哋入場嘅目的係乜?你都戇 X嘅,你睇奧運跨欄嘅目的係乜呀?梗係睇劉翔啦,點解呀?因為支持自己友呀嘛!冇錯!我入場嘅目的就係我哋嘅雷凱欣,為香港爭光嘅雷凱欣!事前我已經做晒 research,知道雷凱欣係飾演陰陽人,已經有心理準備。但係,點解要安排佢 fingX、用 XX轉車輪?用 X當棍毆人?點解唔俾雷凱欣用番自己把聲呀!點解要配把阿伯聲呀!點解要佢用把阿伯聲挑逗人呀!點解要佢自稱為「老夫」呀?呢套戲亮點係「雷凱欣會露三點」,只不過,露兩點嘅時間得嗰兩秒,係呀,係兩秒呀,兩秒,夠我睇佢個胸,定係夠睇佢個樣?(更有高登巴打極度懷疑露點場面係 key上去)兩秒之後點?着番衫?爆鈕?係呀,係爆呀,不過係全身爆開嗰隻爆,兩秒之後,我心愛嘅雷凱欣就成個爆炸,變成一堆血肉呀!

女神帶來創傷

由《禁室培慾》起,我自細已經視雷凱欣為我女神,好多人都話佢唔靚 or樣衰,但我對佢嘅熱愛從來都冇動搖過。由知道香港會有 3D色情片,到知道有兩大 AV女優,再知道女神雷凱欣都有份演,再到知道我趕得切 18歲入場睇!呢一年你知唔知我幾 X興奮幾 X期待?但原來一年嘅苦等只換來兩秒嘅露點以及爆炸,你知唔知我心靈受到幾 X大創傷?

杜X澤聲音演譯3D肉浦事後感