近幾年藝人嘅第二代接住誕生，今朝應采兒同陳小春都宣布愛兒喺噚日71出生。同陳偉霆拍拖感情穩定嘅蔡卓妍（阿Sa），今日去到新城宣傳新碟時，順便恭喜小春。

阿Sa本身都好鍾意小朋友，但只局限玩嘅部份，因為每次見到朋友照顧BB嘅辛勞就怕怕，佢仲話見到Mani個肚條疤就覺得母愛好偉大。咁提議佢順產咪無疤囉，佢就語出驚人話：「聽啲朋友講順產都有問題，我鍾意『逼硤』感覺多啲。」哇…估唔到阿Sa係咁重視兩性之間相處嘅感覺！

阿Sa話，佢會等到35歲先諗生BB；至於到太高齡都未有，就會嘗試人工受孕，本身會鍾意女多啲，可以幫佢扮靚，又擔心仔會頑皮啲。

阿Sa咁重視兩性關係….男友陳偉霆….嗯…好幸福喎。