右胸失守露砵仔榚 佘詩曼叫記者打格仔

無綫視帝陳豪同視后佘詩曼今日一齊去到銅鑼灣幫手錶品牌新鋪主持剪綵儀式,兩個人分別收到二萬幾及八萬幾蚊嘅手錶,而阿佘換咗另一套白色露肩裙先出席發佈會,但喺台上俯身啟動儀式時,因為條珠珠裙太重喇,一個唔小心露出砵仔糕(Nude bra)同膠紙,第一次失手嘅阿佘事後激動咁講笑話:「Oh no!唔好打破我打底王個美譽,用星星、心心同格仔遮住啦!」而就嚟做人爸爸嘅陳豪就透露話未幫個仔改名,仲好老實咁講:「都想追個女,好多家長係咁!」

啱啱回巢成為TVB一姐嘅阿佘,對出年一月拍新劇《使徒行者》唔可以同梁家輝合作覺得好可惜,有份拍嘅林峯就話好期待同佢合作,阿佘講笑話:「係呀?佢成日扮唔開心,我又唔係BB。我同阿峯係好朋友,好耐冇見,都期待合作。」對於今年無綫視帝、視后將會加入專業評審團,阿佘就話:「唔關我事,我今年冇劇出。」會唔會覺唔公平?佢老實話:「只要做得好就贏!」

今年有份角逐視帝嘅陳豪,就認為舊年全民投票提升了參與度係好事:「上年仲有嘉許幕後,增加士氣,公眾投票互動更好。」唔怕畀人話評審造馬?勆話:「唔介意,造唔造馬都好,好多人付出努力但冇機會,少少嘉許係大意義。」

右胸失守露砵仔榚(Nude bra) 佘詩曼叫記者打格仔
佘詩曼唔小心個露出個砵仔糕,話要打格仔….好啦,聽你話打咗格,不過格仔係好邪惡o架…..

右胸失守露砵仔榚 佘詩曼叫記者打格仔
兩位視帝視后出場,感覺非常隆重。
右胸失守露砵仔榚(Nude bra) 佘詩曼叫記者打格仔
收到靚錶,阿佘好開心。
右胸失守露砵仔榚 佘詩曼叫記者打格仔
手錶配美人。
右胸失守露砵仔榚 佘詩曼叫記者打格仔
陳豪想追多個女,真係想要一個好字?
右胸失守露砵仔榚 佘詩曼叫記者打格仔
阿佘一身白色露肩裙,但上面啲珠珠太重喇。
右胸失守露砵仔榚(Nude bra) 佘詩曼叫記者打格仔
搞到個砵仔糕露咗出嚟,見阿佘叫到,幫你遮一遮啦。