佘詩曼與方力申《人約離婚後》拍攝

阿佘小方鬧市爭執難忍笑
【12:52】2011年05月06日
佘詩曼與方力申在銅鑼灣鬧市拍攝葉念琛導演新戲,吸引近百途人圍觀,阿佘與小方在鏡頭前扮爭執,阿佘更以手袋拍打方力申,不過兩人經常忍笑失敗,結果NG頻頻,拍攝期間,莊思敏路過並駐足觀看,她說:「我都有份拍呢套戲,不過呢場冇我份。」

佘詩曼與方力申銅鑼灣鬧市拍戲,吸引眾多途人圍觀。
佘詩曼與方力申銅鑼灣鬧市拍戲,吸引眾多途人圍觀。

佘詩曼進軍大銀幕與方力申演對手戲。
佘詩曼進軍大銀幕與方力申演對手戲。

醉酒佬撞跌燈贈興
佘詩曼、方力申鬧市吵大鑊

佘詩曼前晚同方力申喺銅鑼灣拍嗌交戲,仲惡死到用手袋猛打小方。

佘詩曼前晚同方力申喺銅鑼灣拍嗌交戲,仲惡死到用手袋猛打小方。

佘詩曼前晚喺銅鑼灣崇光百貨附近拍攝葉念琛嘅新片《人約離婚後》,不過,阿佘今次對手就唔係大隻仔羅仲謙,而係換咗方力申。片中飾演一對離婚夫婦嘅小方同阿佘,前晚喺鬧市拍攝嗌交戲,未埋位之前阿佘同小方猛喺度嘻哈大笑,但導演一 roll機,阿佘即刻上晒身好投入演出,真係唔到你唔服。

飾演離婚夫婦嘅小方同阿佘喺銅鑼灣鬧市拉拉扯扯,七情上面。

飾演離婚夫婦嘅小方同阿佘喺銅鑼灣鬧市拉拉扯扯,七情上面。

小方喺馬路追住阿佘解釋嘅一場戲,工作人員全程跟實。

小方喺馬路追住阿佘解釋嘅一場戲,工作人員全程跟實。

莊思敏趁熱鬧

莊思敏路過銅鑼灣,順便同導演葉念琛吹吓水。

莊思敏路過銅鑼灣,順便同導演葉念琛吹吓水。

現場見阿佘同小方鬧交鬧到面紅耳熱,阿佘仲一度用手袋打小方,嗰下肉緊真係七情上面。不過,由於阿佘同小方表現太過落力,鬧到口乾,所以佢兩個一拍完即刻要飲水滋潤喉嚨。前晚佢哋喺鬧市開工,有近半百市民圍觀,唔少人仲攞手機同相機狂影,莊思敏咁啱路過,都專登停低同葉念琛打個招呼。
之後阿佘同 o靚模蔡穎恩( Evelyn)喺夜晚 11點幾移師去灣仔陳東里開工,期間有個醉酒佬同朋友路過,唔覺意撞跌咗攝製隊一盞佈景燈,工作人員以為整爛咗就報警求助。不過,警方到場之後發現盞燈冇損毀,電影公司方面亦都唔追究,所以警方口頭警告醉酒佬之後就畀佢離開。