農曆新年是一家團聚的喜慶日子，陳法拉也回到美國爸媽身邊過羊年，離港前不忘祝香港的朋友及粉絲在羊年羊羊得意、豬籠入水、龍馬精神！法拉拿着小型舞獅做道具，原來她自小想舞獅，覺得過年醒獅特別有氣氛及開心，可惜一直沒機會，今次算是一償心願了。

去年對法拉來說，是個豐收年亦是一個人生轉捩點，離開效力多年的無綫闖天下，回復自由身的她幸運地踫上很多好人好事，例如經理人鍾珍、拍電影認識了不少好拍檔黃子華、鄭中基，又遇到不同的客戶眷顧，令她財源滾滾荷包脹，事業得意之餘，又參與綠色環保Green Monday公益活動，法拉望新一年可遇到更多好人好事！

法拉今次返美國度歲前，特地在香港幫媽咪辦年貨，做足孝順女本份，談到與家人過農曆年，法拉開心的說：「舊年返美國嘅時間多咗，令屋企更熱鬧，爹哋、媽咪開心最緊要。」回家過年，法拉笑言自己必定是過「肥」年：「我每年最肥，磅數最高峰就係過年，因為媽咪拿手整八寶飯，整到成咗花咁靚，好睇又好食，爹哋最叻自己生曬臘腸，不過我唔係只識食，我都會幫爹哋曬臘腸，仲會幫佢周圍送去俾啲美國親友。」法拉強調要工作，不能不理體重，只可放緃幾天，不過她假期後返港口福依然停不了，皆因經理人鍾珍會預留她拿手的自家製蘿蔔糕。

至於新一年的工作，法拉笑言不怕辛苦，工作越多越好：「舊年都算驛馬星動，經常返大陸拍劇、電影或者做騷，出外走動吓可以放鬆吓，又有錢賺，絕對唔介意，多啲嚟密啲手，最緊要有錢賺又有嘢學！」

視頻：陳法拉羊年贺年訪問