傳超市擦撞起爭拗 陳慧珊被投訴罵人白癡

現年44歲的陳慧珊(Flora)與經理人鍾家鴻(Mike)婚後育有一女,前年老公申請破產,但Flora好錫囡囡,寧願慳自己都要讓女兒讀國際學校。Flora早前復出拍劇,一改戲路飾演惡女人大獲好評;但亦有指她人緣麻麻,被同劇的李若彤、李麗珍等排斥。

有讀者宋小姐投訴,指23號下午5時許遇到Flora帶同7歲大女兒鍾律然,在中環city’super購物,期間宋小姐手持盛載麵包的托盤行去收銀處,當時Flora女兒剛巧在托盤下經過,疑發生碰撞擦過小朋友頭部。

傳超市擦撞起爭拗 陳慧珊鬧人白癡 當眾嗌交
資料圖片

Flora見狀護女心切,即用英文跟宋小姐理論說:「You should not go over the child head.(你不應該在小朋友頭頂上過。)」宋小姐表示當時有點驚訝,定過神後即回頭向她道歉:「Oh,I am sorry.(對唔住。)」

但Flora似乎未有接受,宋小姐再講多次﹕「I am really really sorry.(十分抱歉。)」,但仍被Flora罵她是「idoit(白癡)」。

宋小姐直認無明火起,她說:「我好肯定嗰個人係陳慧珊,佢戴住副藍色太陽眼鏡,但透透哋見到雙眼。我真係難以置信,身為公眾人物咁樣鬧人!我同佢講咗兩次對唔住都話我idoit,我諗諗吓覺得唔應該同佢講,其實我都冇錯。我接埋自己個女後,就追住佢嚟鬧,佢都有同我鬧過,好多人見到。」

她直認當時嬲到爆粗,她解釋:「佢話我係個女面前講粗口,但佢都係自己個女面前鬧人idoit,點解我唔可以?」

記者昨日致電Mike,他聽到記者想向Flora求證事件即煞有介事說:「唔好意思,我有嘢做緊,冇時間同你傾。」然後立即掛線。