現年35歲嘅索腿天后陳敏之後日喺峇里同拍拖10年嘅圈外男友雷偉信（William）舉行婚禮，前日上午8點幾，戴住黑超、一身便服look嘅敏之現身香港機場準備去峇里，不過未見William同行，原來William為咗避傳媒先刻意同敏之分開入閘。

敏之見到記者都覺得好愕然，但仍保持微笑，難掩快做人妻嘅喜悅，問起敏之係咪去峇里結婚，敏之笑住話：「計劃緊。」有咩賓客會去？敏之依然避忌回應：「遲啲話你聽，等我搞掂晒先。」咁敏之心情緊唔緊張呀？佢就話：「冇乜瞓過，o依家好眼瞓。」問男友求婚過程，佢都係一概避談。

前一晚會唔會好緊張瞓唔到呀？她笑言：「噚日去咗內地做嘢，執行李執到好夜。」咁為何不見新郎哥同行，敏之即尷尬說：「依家我自己去咋喎。」之後她表示家人都有同行，大概在峇里逗留數天，她入閘後便會跟母親會合，說罷跟送行的經理人道別後便匆匆入閘，記者再次恭喜，敏之笑著說多謝，並揮手道別。

據悉敏之後日將在峇里Conrad酒店內的小教堂舉行婚禮，由於該小教堂被視為當地最浪漫教堂之一，敏之與男友早在大半年前就要預訂。至於出席後日婚禮的好友包括伍詠薇、嚴淑明、梁烈唯夫婦，以及黃長興夫婦等。

笑得好甜

返嚟就加入人妻行列啦

敏之與男友雷偉信