失去女友、事業、形象及金錢「四失」的陳山聰，自遭富貴女友何超雲狠撇後，女方出走倫敦遊樂，男方則人間蒸發。前路茫茫的陳山聰一直未有放棄「Money=Love」的財路與愛情，前晚他決定盡地一煲，湊旅費上路，乘搭前晚11時55分起飛的CX251航班，去倫敦找超雲箍煲。

據知，陳山聰為免被傳媒揭發行蹤，迂迴曲折地由澳門坐噴射船到香港國際機場內的海天客運碼頭，之後直接到航空公司轉機櫃台，經過海關及登機閘口出發。

冇得坐頭等

陳山聰與超雲拍拖兩年，專心陪女友遊山玩水，未有積極工作，故此分手後即傳陷入財困，有傳他要向朋友湊錢買機票、旅費，他亦由平時與超雲坐商務甚至頭等的待遇，降呢到只夠錢買premium economy級別的機票，可見他箍煲經費不多。超雲於微博、instagram引爆分手後，近三日都未有再更新自己去向，之前她落力在倫敦血併買名牌手袋耳環等，之後又與男性友人Vincent去巴黎繼續玩樂。

據悉陳山聰近月都以電話WhatsApp o氹超雲，但超雲未有理會，似乎她真的被早前跟山聰因合作搞時裝生意炒大鑊「鬧醒」。

■陳山聰最後一次現身超雲身邊，是二月底女方24歲生日，當時二人已貌合神離。資料圖片

復合有機？ 超雲網上貼圖　嗒晒糖

超雲嗒蜜糖，仲話嗒到食物中毒。有冇咁誇呀？

三房千金何超雲身在倫敦遊樂散心，對於有傳同山聰分手一事，超雲一直大玩文字遊戲，未有公開回應過。再隔咗三日，今日再喺微博同instagram出招，上載手持蜜糖嘅照片，而且留言：「超嚴重的食物中毒，三天啦，甚麼吃得最多？？？我親愛的蜜糖。」

莫非去倫敦箍煲嘅山聰已經使出咗絕招，冧到超雲甜絲絲？