香港著名電影人陳勳奇女兒陳開心（原名陳杏妍，後改名陳雨書），昨晚11時許被發現於將軍澳寶林邨寶儉樓從高處墮下，倒臥地上昏迷，終年40歲。
救護員接報場，將事主送院搶救，但終於不治。警方調查證實死者為陳勳奇女兒，據知生前患有情緒病，現正了解其墮樓原因。
陳開心是成龍世侄女，去年曾與馬國明合作電影《緣來是遊戲》，當時有傳陳開心看中并借意親近馬國明，但馬明不為所動。
原名陳杏妍的陳開心，曾於英國留學，早於98年已因父之名進軍影圈。98年曾參加港台DJ訓練班，99年參演父親執導的《辣椒教室》，受訪時曾自爆是片中被罵最多的演員，陳勳奇亦坦言不想被指偏心。除了拍戲外，當年陳開心亦是首映禮常客，爭取曝光率，可惜發展未如理想。
01年全力進軍內地市場，因為名字的國語發音困難，所以由媽媽提議改名為陳開心。改名後感到非常滿意，她說：「個名幾好呀！而且喺大陸仲拍咗兩套戲添！」惟發展仍未如意。
陳勳奇曾形容愛女謂：「我個女非常好動，又大膽。張學友有一次話畀我聽杏妍好叻，叫我唔使擔心。原來杏妍成日同朋友落的士高，同時好鍾意睇星爺拍戲。但係我覺得呢個圈好殘忍，冇人情味，所以我送咗佢去英國讀書。之後佢返咗香港，話英國好悶，要學唱歌，佢媽咪心軟，咁先正式入行！」
資料圖片
曾笑女兒似醜小鴨 陳開心：爹哋唔係咁鍾意我入行
陳勳奇不諱言並不想女兒陳開心入行，而且對其亦相當嚴厲，99年女兒拍攝其執導電影《辣椒教室》時，陳開心更是被罵得最多的一個。
當年陳勳奇與女兒接受訪問時，他曾自言對女兒在影圈發展的期望不大，他說：「佢咁醜樣，口大、眼大，做好啲戲先啦！其實我都畀咗心理準備佢，要做一隻醜小鴨，做一片好戲嘅綠葉，不過台灣啲記者話我衰，專登打擊個女嘅信心。」
陳開心當時對於爸爸這樣笑她卻毫不介意，還打趣謂：「其實爹哋一直都唔係咁鍾意我入行，不過我知佢口硬心軟。佢好緊張我嘅工作，經常打電話提點我呢樣、嗰樣。佢成日教我做人千祈唔好怕蝕底。由細到大爹哋喺我面前好嚴肅，但我發覺佢喺出面可以好風趣、幽默！」
資料圖片
資料圖片
曾與杜德偉、馬國明、李思捷、又南傳戀情
陳開心醉心演藝事業，但在港發展平平，不過其感情生活頗多姿，分別與杜德偉、黃又南、李思捷及馬國明傳戀情，可惜都是未能開花結果。
後陳開心轉戰內地市場，近年更改名雨書，早前與馬國明合作電影《緣來是遊戲》，兩人傳出緋聞之餘，陳開心更於內地一口氣接了多個廣告、登台騷及商業演出，也曾有指三個月已搵半百萬人民幣，為陳開心打了一支強心針，還自言專心搵錢，暫擱旅行大計。其微博亦不時上載工作相片及生活照，本月初更出席中華人民共和國65周年國慶暨中國電影展2014酒會，還與張智霖、霍震庭、鮑起靜等合照留念，當時她更大讚張智霖:「張智霖真的是逆生長..Cool魔」。其微博最後一次更新為本月20日早前11時半，當時她貼了上月30日出席的亞洲明星高爾夫活動的視頻。
03年，陳開心與杜德偉傳緋聞，盛傳當年陳勳奇夫婦大加反對，最後無疾而終。今年初，陳開心被傳媒拍得與黃又南一起，更指兩人在女方香閨密會五小時，事後又南表示兩人已認識七、八年，份屬好友，更表示陳開心遇上問題，又南都會予以幫助及開解。至於香閨約會，只是因為當晚本與陳開心到餐廳吃飯，但對方後來來示可買外賣與室友一齊享用，故才登門，並非單對單約會。
今年2月，陳開心被拍得與李思捷約會，被傳暗撻。當時報道指李思捷要求女友向老父陳勳奇出手搭路、邀投資者揼水開戲，更指李思捷在友人面前承認陳開心是其女友。今午記者致電聯絡又南，又南驚聞其死訊，震驚又突然，完全未能接受對方選擇以此方法結束生命。又南表示：「點解會咁？聽到好唔好開心，其實我同佢唔算熟，但都算係朋友，同佢亦有冇拍過拖，但已經好耐冇聯絡。佢咁後生要走上呢條路，真係唔明點解，希望佢可以安息，佢家人可節哀。」
李思捷收到消息後表示非常震驚，雖然兩人已大半年沒有見面，但仍保持友好關係，他表示陳開心是一名很開心的人，不覺得對方有情緒病：「佢平時有打拳、做gym，做好多運動，唔覺得佢有情緒問題。（因為佢爹哋唔想佢入行而唔開心？）相信唔會，佢上次拍戲都好興奮，喺內地出席活動都會同我分享，相信佢爸爸對佢好好。」
但論到最為人所知的緋聞，應是與馬國明一段。去年馬國明與陳開心合拍內地電影《緣來是遊戲》，有指女方多次借意親近馬國明，又主動傳短訊，可惜最終都無下文。事後陳開心接受記者訪問時否認暗戀馬國明，並謂：「冇啲咁嘅事……朋友啫。」記者致電馬國明問及陳開心死訊，馬國明表示：「我都係喺記者口中先知……我噚日喺第二度拍完嘢返嚟。好可惜。其他嘢唔想多講。」
其實陳開心生前亦有提及擇偶條件，她曾說：「要求唔會好高，只要錫我、有事業基礎就可以，就算年紀較大都冇所謂，因為年紀大啲嘅男人，對女性嘅容忍度會高一啲，相處亦會容易啲、舒服啲。我係一個好容易相處嘅人，做後母嘅話，啲仔女都應該唔會太抗拒我嘅！」
離世前數日貼死亡預告 溫碧霞自責未及阻止
溫碧霞（Irene）今年初因為演出陳勳奇執導的電影《緣來是遊戲》，才有機會認識她的女兒陳開心。今日驚聞陳開心墮樓亡，溫碧霞自言震驚不已：「兩、三日前佢喺微信朋友圈post咗一張跳樓相出來，然後留言：『唔知下一個會唔會輪到我！』當時我以為佢講笑，冇放喺心上，因佢平日都好開朗，真係冇諗過佢會跳樓自殺，早知道會係咁，我應該一睇到就打俾佢了解吓。依家聽到真係好唔舒服，諗起嗰張相，真係感到好得人驚。」不過今日有朋友再觀看陳開心微信朋友圈，已經看不到這留言和照片。
Irene指與陳勳奇已認識多年，所以去年對方聯絡Irene接演呢部戲，Irene好爽快咁答應，Irene表示：「不過我同陳開心對手戲唔多，但5月做宣傳時，成日有機會見，感覺佢平日其實跳跳紥，都幾開朗，點都會冇諗到發生呢啲事。」
張智霖（Chilam）和袁詠儀因拍陳勳奇的電影後後撻着，可算是二人的半個媒人。身在福州的Chilam，透過電話訪問得悉事件後，都表示緊張，非常關心陳勳奇的心情：「月頭銀都電影公司請食飯，我同佢合照。大家入行咁多年梗係識啦，但朋友同生活圈好唔同，所以唔算太熟，消息傳來非常震驚，希望陳勳奇導演節哀順變。」
fb最後貼圖 疑似陳寶蓮墮樓照及大廈俯瞰圖
陳開心昨晚墮樓前一刻，即11時08分，在其fb上載自己位於將軍澳寶林邨大廈俯瞰照，並留言稱：「討厭我的人，喜歡我的人，我準確跟你們永遠不見了。」
而在陳開心墮樓前4小時，又於fb上載了一張網傳陳寶蓮墮樓身亡的相片，似乎是預告她亦會步其後塵。陳寶蓮於2002年8月，在上海寓所仰藥割脈後跳樓自殺身亡，終年29歲。
