懷有四個多月身孕的陳茵媺今日出席活動，透露已照了腹中BB的性別，開心宣佈再次陀仔，笑言最擔心要改中文名，提到她擁有三個「情人」時，她笑謂：「Very True！希望佢地可以成為好朋友，年紀近應該可以和諧相處。（不怕他們爭你？）不怕，作為女事當然開心。」她指兒子雖然未有概念要當哥哥，但他性格獨立，應該不會呷醋，問到會否追生女兒時，她指要慢慢來，因為怕兩個小孩年紀小難處理，同時又想做個「Working Mammy」。

陳豪今晚都出席主演電影《點對點》首映，問陳豪心情如何？他說：「下一個應該會係女喇，機會好大！呢個年代越多小朋友越好，係上天嘅恩賜，生成隊足球隊仲好，總之上天賜幾多個就要幾多個，呢份喜悅係全世界最開心嘅。」

陳太OK？陳豪：「佢OK，呢個一直都係我哋嘅planning，唔係因為要追個女，而係大家都好鍾意小朋友。」如果生隊足球隊，就要搬大屋，陳豪：「再多啲間屋就要大啲，多個細佬，同哥哥一齊做運動有個伴。」