被爆大馬秘婚 陳展鵬否認已婚

陳展鵬最近與無綫新劇《巨輪》拍檔貝安琪傳緋聞之際,前晚網民sharon0108在親子王國討論區指陳展鵬已在大馬結婚,留言謂:「我c6(死佬)以前個朋友個家姐同鵬鵬係(喺)大馬已經結左(咗)婚嫁(㗎)啦!」

記者昨日致電展鵬,他聞言後哈哈大笑否認說:「梗係冇呀!o依家興吳尊咁秘密結婚咩?我冇喺大馬結婚,香港就有結,拍劇嗰陣呀!」跟貝安琪是否拍拖?展鵬說:「梗係唔係啦,嗰日成班人一齊去睇張繼聰個騷㗎!」

昨日又有報道指貝安琪跟吳嘉龍撻着3個月,二人並被拍得到尖沙嘴行街,對此展鵬笑說:「佢咁多呢啲新聞嘅?」貝安琪昨日聲稱跟吳嘉龍只是朋友非拍拖。

陳展鵬昨否認已婚,又表示跟貝安琪不是拍拖
■陳展鵬昨否認已婚,又表示跟貝安琪不是拍拖。資料圖片

其實陳展鵬之前都有個「疑似」女友,就係前亞洲小姐冠軍姚佳雯,更有報道話兩人同居兩年幾,但報道指陳展鵬為咗前途,惟有被逼玩地下情,向外聲稱單身。最後姚佳雯另嫁他人,上年同西安李姓富商結婚。

亦有網民打趣笑陳展鵬同李司棋先至係一對,因為佢兩個喺《心路GPS》飾演兩母子,喺《巨輪》又係演母子,而且對白又肉麻,所以笑佢哋先係一對喎。


早前陳展鵬同貝安琪因為一齊睇張繼聰演唱會,又合作拍《巨輪》而傳出緋聞。

前亞洲小姐冠軍姚佳雯,被傳同陳展鵬暗交兼同居,但因為男方堅持玩低調,最後姚決定分手,另嫁內地富商。

李司棋同陳展鵬三度飾演母子,已播出包括《心路GPS》同《巨輪》,其中《心路》對白尤其肉麻,故網民笑指兩人似戀人多過似母子。