陳展鵬今日喺新城宣傳劇集《巨輪》，提到新劇收視，展鵬話：「好似都唔錯，好難得有跨年代劇，用咗好多誠意去拍，係可以再好啲，不過大家投放咗好多時間努力。套劇講唔同年代，有時有啲穿崩，希望觀眾可以包容，因為演員都好有誠意同努力，而且80、90年代戲份好快過。」

講到套劇同10幾年嘅《龍的天空》好似，佢就話自己冇睇過呢套劇，展鵬話：「咁劇集元素一樣唔出奇，好多韓劇嘅題材都好似。」講到拍檔鍾嘉欣受傷，展鵬讚對方硬淨：「佢應該好攰，前一日去完新加坡頒獎禮，第二日就拍外景。不過佢好硬淨，跳上七樓都唔驚，冇破相就得啦。」

另外，講到陳茵媺撞車，展鵬最緊要人同BB冇事，香港揸車真係要身手敏捷，唔同外國啲路咁闊，佢話：「等佢生完，keep好fit，可以一齊宣傳另一套劇『單戀雙城』。」

陳展鵬到電台宣傳劇集《巨輪》。