張智霖戰紅館狂操肌

現年39歲的張智霖，將於本月舉行處男紅館個唱，形容今次是「寶刀出鞘，例不虛發」的他，狂操腹肌誓言不會令歌迷失望，不過徇眾要求的張氏一家三口「歷史性」同台卻無望。

張智霖（Chilam）入行二十年，現貴為「Neway一哥」，今年終於如願以償，將於本月26及27日首度在紅館舉行兩場《張智霖我係外星人2011》演唱會。自言極期待這「創舉」的Chilam，早於數月前已積極做運動催谷操弗體形，一向予人文質彬彬的他更自爆已練成「六舊腹肌」，Chilam說：「我要戒食飯，不過打邊爐就照食，其實打邊爐唔肥o架！可以食菜同清淡嘢！」

百厭魔童甩牙縫針

Chilam為演唱會忙到一頭煙外，其賢內助袁詠儀（靚靚）亦不能獨善其身，每日接電話接到手抽筋，他說：「佢係『票務總監』，專責搞飛，個個朋友都要訂飛，又要握手位，好辛苦。」問到可會邀太太上台？Chilam堅決地說：「No啦！好悶呀！」雖然他和靚靚在港從未同台，亦明白夫婦合唱定必掀起高潮，但他不想效法丁氏夫婦（丁子高和楊千嬅），他又稱已請了一位令觀眾「驚喜到估唔到」的女嘉賓壓場。

談及他的兒子張慕童（魔童），Chilam稱最近首次為兒子寫歌《反斗奇兵》，而有此靈感，全因愛子實在太曳，早前曾因頑皮關係，導致額頭和下巴縫針，連牙都甩掉，至於最驚嚇一次，Chilam說：「個仔叫我一齊做超人跳樓。」

呷醋外父唔想生女

雖然魔童令他驚心動魄，但若然再生的話，他一定想生仔，他說：「我接受唔到個女嫁畀人，我係百分百嘅呷醋外父。」

Chilam自爆已練成「六舊腹肌」，令觀眾在演唱會上大飽眼福。

自認會是呷醋外父的Chilam，不想老婆生女。

Chilam和老婆袁詠儀早前以夫妻檔拍攝珠寶首飾廣告。 （資料圖片）

Chilam和袁詠儀十分保護兒子，避免他被攝入鏡頭。 （資料圖片）

Chilam廿年紅館夢
「家狀態最好」

張智霖終於踩紅館場開騷，這個遲來的美夢，終於實現。

張智霖（ Chilam） 91年和許秋怡合唱的《現代愛情故事》，可以列入合唱愛情經典，照日子計歌齡都有 20年。最詭異的是，當某些走音歌手唱了幾年歌都話要在紅館開個唱的時候， Chilam卻等足廿年才踩上紅館，不過有心唔怕遲，起碼總算等得到。

將於今個月 26、 27日在香港紅磡體育館舉行兩場演唱會的 Chilam，找來張叔平做美指，令人期待會有甚麼新形象，他當前要做的是努力操弗收身，希望可以在紅館除衫晒腹肌。至於太太袁詠儀同囝囝慕童會否一家上台晒溫馨， Chilam說：「唔會啦！冇乜原因要請佢哋上台喎！」

戒蒲修心養性

Chilam與胡杏兒合作的無綫劇《魚躍在花見》收視不俗，為他的個唱打強心針。劇照

作為歌手總希望可以在紅館開騷，總覺得他開得較遲，不過 Chilam卻另有一番見解，他說：「大家時間觀念唔同，我覺得冇乜所謂，好多人都覺得我當年拍《十月初五的月光》時就應該食住個勢開演唱會，我反而覺得家至係最好時機，個人心態同狀態都係最好，呢幾年戒咗煙，每日都跑步做運動，戒夜蒲早睡早起，冇乜夜生活，各方面條件都理想，希望以最佳狀態回饋 fans。」

繼續北上銀

許秋怡與 Chilam早年以金童玉女姿態唱情歌，成功在樂壇打響知名度。《壹週刊》圖片

其實 Chilam唱歌出身，但其間有很長時間在內地拍劇賺人仔，導致歌手形象不夠鮮明，歌曲產量亦不算多，不過 Chilam並無意改變現狀，繼續發揮香港人的拼搏精神，他說：「我要繼續努力拍戲，發揮香港人精神拚命去搵錢。」
採訪：魯萍　攝影：陳慧安
服裝： I.T　化妝： Hetty Kwong
髮型： Vic Kwan of Hair Culture