早前張智霖宣布離開合作了10載的經理人公司澤東，轉投蕭定一旗下，其實早在今年初已傳出Chilam與澤東不和堅決不續約的消息，早於7月他跟蕭定一簽約，為了顧全澤東面子，協議9月才公布，昨日清晨時分Chilam在微博上載了前澤東經理人在facebook爆粗留言的照片，並以「刻骨銘心」來評論，粉絲們估計是他不甘被罵，盛怒下才公開，但不足1小時Chilam與該名女經理人都先後刪除了留言！

張智霖(Chilam)憑《衝上雲霄II》「Cool魔」一角人氣爆燈，近日亦是他事業上的轉捩點，7已月約滿合作了10年的經理人公司澤東。近年常傳出Chilam與澤東不和之消息，雖然是旗下藝人，拍攝自家電影《一代宗師》時慘遇老闆王家衛刪減戲分，花了1年多時間苦練詠春，拍攝了數月，下場是僅得6秒戲分，簽約多時澤東都未有為他拓展電影事業，電視劇、廣告都是靠他「食老本」維繫下來，所以今年約滿時，Chilam一早表明不會續約！Chilam將於下周二舉行簽約記者會宣布加盟新東家蕭定一的公司，同時會公布續約唱片公司Neway Star，為隆重其事，其公司正構思Chilam乘直升機登場，以配合近期人氣爆燈的「Cool魔」形象。

押後公布過檔

7月Chilam經已決定簽到蕭定一旗下，當時《衝上雲霄II》剛開始播映，Chilam手頭上仍在部分工作是澤東為他所接，為了顧全舊公司面子，他與蕭定一協議待完成澤東所接最後的工作、到三藩市登台後才公布離巢消息；結果，Chilam 9月1日在微博公開簽了蕭定一旗下的中國3D數碼娛樂有限公司，同時感激並肩作戰了10年的澤東，正當大家以為雙方「和平分手」，昨日卻爆出澤東經理人在facebook爆粗鬧Chilam！

昨日清晨6時43分，Chilam在微博上載了前經理人公司澤東一位經理人的facebook，該經理人留言爆粗指世界不公平，Chilam寫上留言：「感謝澤東電影公司10年以來對我的評價，每一位回覆，每一段話，我，刻骨銘心！謝謝！」雖然前經理人並沒有開名寫Chilam，但Chilam竟對號入座，更把前經理人的facebook公開，令人費解！

各自刪除留言

短短15分鐘內Chilam這微博有近千人回覆評論，粉絲們支持偶像公開對前公司的指責，更揚言要聲討澤東，向該女經理人展開報復行動，留言一個比一個激進，1小時後Chilam突然刪除此微博，而該名女經理人亦在facebook刪除了爆粗留言，似乎想大事化小。

張智霖：我好有禮貌！

今日Chilam到九龍灣德福廣場擔任動主播星級嘉賓，自然被追問到呢件事，佢就話:「呢個唔關我事喎!」但係你貼圖喎，仲有回應添!cChilam話:「我好有禮貌0架!我唔係好有禮貌咩？」又強調同澤東嘅關係由始至終都好好，至於爆出呢段新聞，佢話:「呢個係個人事件，(但係佢攻擊你喎)係囉，咁你要問番梁小姐(前經理人)先得。」咁臨走有冇同佢一齊食飯farewell？佢就話:「我本來計劃咗嘅。」即係冇啦。

問Chilam何以無啦啦自己對號入座，Chillam一時之間好似唔識答，笑笑口話:「我唔知呀，我唔知呀，我……我唔想再回應呢件事。咁多年嚟我同澤東嘅合作係愉快嘅。因為呢個始終係個人感情抒發。」

既然係個人感情抒發，何以個po 喺15分鐘又delete咗呢？Chilam好似完全唔知發生咩事咁，諗咗一諗，反問記者:「我delete咗咩？我唔知喎，哈哈!可能真係delete咗。」之後話係因為梁小姐主動要求佢刪除，所以就刪咗喇。

Chilam續稱:「我覺得冇必要再有一啲，唔照心嘅負能量，我覺得除咗我自己之外，成個香港都好需要正能量。」