錢小豪一家三口今日喺太子為一間禮服店擔任剪綵嘉賓，小豪同個仔著上父子裝出席，小豪表示一向甚少著禮服，對上一次係細佬錢嘉樂結婚。

對於一代宗師劉家良離世，小豪表示以前喺嘉禾同劉師父曾共事，更合作過兩部電影，佢話：「覺得好可惜，最後一次見佢喺年幾前一個活動，當時覺得佢好精神，覺得練武嘅人真係唔同啲，人始終都要一死，希望佢一路好走。」佢自己都覺得好唏噓，近年身邊唔少合作過嘅前輩都相繼離世，人都變得睇得好化。

而錢小豪嘅11歲囝囝現場就相當活潑，雖然錢小豪自己開拳館，但個仔就對打拳冇咩興趣，反而鐘意跳舞，錢小豪笑言個仔出去表演多過佢登台。

錢小豪同囝囝著上父子裝。