7位「中國好聲音」第一、二季學員李代沫、大山、鄭虹、鍾偉強等，同埋張敬軒及泳兒等，今日喺黃埔出席記者會，宣佈11月1號喺紅館舉行演唱會，到時會共有17位「 中國好聲音」學員參與演出。

英皇高層吳雨亦即場宣布軒仔、Vincy會和兩位學員李代沫和大山合唱《聲音再遠都是愛》，並即場舉行拉紅線儀式，寓意撮合兩地好聲音，他們隨即在今晚錄音。

除咗軒仔及泳兒做嘉賓外，香港嘅「巨聲幫」林欣彤同埋許廷鏗都會做嘉賓，軒仔話有聽過學員嘅歌藝，佢同泳兒都話今次要同佢哋死過，軒仔話到時應該會揀唱香港歌，可能會又唱又跳。鍾偉強當年被傳同張國榮一齊追過毛舜筠，問佢會唔會請毛毛睇騷？佢即笑話：「玩嘢呀，睇到廣告要嚟就嚟啦。」

張敬軒同泳兒笑言要同「 中國好聲音」學員死過

7位「中國好聲音」第一、二季學員李代沫、鄭虹、大山、黃一、朱克、畢夏、鍾偉強等，今日喺黃埔出席記者會。