錢嘉樂與湯盈盈於熊貓館註完冊後，今日於洲際酒店擺喜酒大宴親朋。兩人的兄弟、姊妹團都陣容鼎盛，兄弟以鄭伊健為首，率領謝天華、王祖藍、朱永棠、金剛、鄭敬基、林曉峰、洪天明等，而姊妹團有佘詩曼、文頌嫻、姚樂怡、關寶慧等共十二人。一班姊妹計劃辣招對付兄弟，不料卻被兄弟衝入酒店房，佘詩曼和鍾麗淇更被捉成為人質，幸好仍收到兩封開門利是，成功接到新娘的錢嘉樂要當眾宣讀愛的宣言，平日經常說笑的嘉樂表現認真，但說到肉麻語句，仍搞怪清喉嚨。

姊妹之一的文頌嫻約十時多先行離開，她爆伊麵任兄弟時本來 一馬當先站在最前，不料遇到姊妹團顯雌威時，立即轉頭就走，還躲在眾兄弟身後。她透露嘉樂說愛的宣言時，場面亦很感動。

關寶慧今早抵達酒店時手持一罐啤酒，還笑謂是玩新郎時用的飲品。一對新人的父母於10點抵達，擔任兄弟的金剛同時會做婚宴的司儀，他表示會臨場爆肚。問到他會否爆粗？他卻堅稱不會，又指頂酒由謝天華、洪天明負責。

樂盈錫錫摸肚仔　逐格睇

一對新人嘉樂盈盈同兄弟姐妹大合照，大肚婆湯盈盈好似太后咁，老公錢嘉樂同好姐妹梁靖琪、鍾麗淇都扶實佢，記者要求新郎新娘嘴咀，盈盈就怕醜話：「又錫，唔使啦。」不過嘉樂就忍唔住咀過老婆面珠兩啖，仲嘴對嘴kiss o左兩次定格10秒，鬼咁甜蜜。

嘉樂仲抵死笑老婆話﹕「如果係買樓就好，可以買咁大間，廳又大房又大。」擺明讚老婆身材標青。

谷奶家蔚　獲姊妹悉心照料
2012-11-15 18:10:40

新娘靚爆鏡，一班姊妹團同樣索爆，佘詩曼、文頌嫻、姚樂怡、鍾麗淇、梁靖琪、周家蔚全部都係公認o既圈中索女，佢o地著晒金色姊妹裝，渾身散發高貴氣質。其中懷孕7個月o既周家蔚，谷奶極之明顯，而影大合照時，家蔚由於要前坐排，身邊姊妹即時侍候左右，家蔚自己都忍唔住甜笑。

幸福盈盈　喊爆都靚
2012-11-15 18:30:50

一向眼淺o既湯盈盈，影完大合照接受訪問時喊到收唔到聲，連妝都幾乎溶埋，反而身邊o既嘉樂仔就扮到好平常心咁，相信佢都係努力咁忍緊眼淚。哭泣中o既盈盈，仲多o左份女性o既柔美，眼裡面o既淚水o係真係令人動容。所以話幸福女人，連喊都喊得特別靚！

而樂樂盈盈結婚擺酒，吸引o左數十傳媒採訪，下午4時45分，婚禮搞手梁靖琪代一對新人派粉紅色雙喜利畀傳媒，每封一百元，擾攘一輪之後，新哥錢嘉樂率領鄭伊健、洪天明、金剛、謝天華、王祖藍、錢國偉等12兄弟浩浩蕩蕩到場，人逄喜事o既錢嘉樂拍心口話：「好緊張。」

情深款款咁望住老公仔嘉樂

喊完又忍唔住笑番

嘉樂仔講o左o的咩鬼馬o野呀?

數十傳媒一直守侯

畀傳媒o既利是同埋膳食，都幾豐富!

喊一o的都唔醜怪，仲可以好靚o架。

久未露面的鄭敬基特意從加拿大回港參加好友錢嘉樂和湯盈盈的婚宴，他透露現在加國做華語片的電影發行，問他會否回流返港時，他表示可以有這樣的想法:「因為我啲小朋友都大咗。(幾歲?)22歲同18歲。(做得老爺?)未。」不過他表示就算回港都不會做生意，因為不懂，又說今次和一班舊朋友聚首十分開心，並笑說:「個個都變咗好多，連錢導(錢國偉)都變埋artist。」

鄭敬基