周潤發親民 拍《賭城風雲》玩自拍

周潤發、謝霆鋒、童菲、景甜、吳辰君及王敏德等,前日在元朗博愛醫院繼續拍王晶及劉偉強新戲《賭城風雲》,劇情講演霆鋒哥哥的伍允龍被打死,而演發哥女兒的童菲亦遇襲失憶,發哥到醫院探望。

發哥以藍色上衣灰褲及黑鞋潮look和發嫂到場,貴為國際巨星的發哥,仍表現親民,到埗即跟現場工作人員及演員打招呼。當拍攝完其中一個鏡頭時工作人員表示要拍多次,發哥笑問:「有乜要改善?」工作人員解釋因演醫生的演員講對白不夠清楚。

周潤發拿手機跟古天祥和王敏德自拍留念
■(右起)發哥拿手機跟古天祥和王敏德自拍留念。

睇港姐嫌寡

王敏德、景甜及澳門演員古天祥趁空檔時和發哥影相留念,發哥主動拿起他們的手提電話自拍,他似乎對古天祥特別感興趣,不時問他的背景等,古天祥指自己有西班牙血統,發哥搞笑問他:「你老竇點識你阿媽?」令現場氣氛更輕鬆。今次發哥跟不少新人合作,他笑謂:「仲新人?童菲我同佢合作過《大上海》,沈震軒都拍過好多劇,我叫佢師傅至真。」稍後發哥要和沈震軒有場對打戲?發哥笑稱:「唔使打喇,我開一槍佢就死,打就交畀張晉同霆鋒,我哋呢啲放毒針,笑騎騎放毒蛇。」

一向鍾意煲劇的發哥有否看港姐準決賽?他直言:「睇咗少少,不過冇歌舞,o依家好寡。」提到觀眾有份投票,發哥說:「唔知喎,唔知點投,網上?我都係鍾意以前傳統啲咁,好似月餅咁,都係傳統嘅好食啲。」


■未埋位時發哥表現親民,跟景甜有說有笑。


■埋位時發哥和霆鋒細心地一起研究企位等細節。


■伍允龍當日扮被打死,未埋位時跟王晶閒聊。