由周潤發與謝霆鋒主演的王晶新片《賭城風雲》暫定下月底開拍，劇本亦已交到演員手中，不過，近期忙到爆的杜汶澤還未有時間看劇本，結果遭導演王晶投訴，還指連周潤發都已看完劇本，但他卻未看完！

跟王晶交情甚篤的阿澤，對於晶哥之「埋怨」，自然即時「處理」，他在Instagram留言：「親愛的肥哥哥，你的戲是五月底開拍，可是我在你開拍之前還有一部要拍的，而那個戲，我亦未看劇本呢！」他還上載了一張周潤發賭神造型的照片，實行未開工先興奮！

阿澤接受電話訪問時透露，接拍《賭》片全因周潤發：「我接呢部戲為咗發哥，佢嘅《賭神》陪住我成長，我仲想向發哥請教佢嘅攝影心得，佢係我心目中嘅攝影之神，好多專業攝影師都話唔夠佢嚟，好想向佢取經！」

王晶則笑言跟阿澤是多年老友，所謂「埋怨」只是說笑而已，談到新片的進展，他說：「依家等緊審批，批咗嘅話，應該會五月尾開工，會喺香港、澳門同內地取景。」

阿澤在Instagram留言向王晶沙冧，更上載一張周潤發賭神造型的照片。