周秀娜拍《度身訂造旅行團》受傷入院

周秀娜一雙D奶成焦點,一雙40吋長腿,其都是賣點,可是近年娜姐轉營做打女,玉腿就接二連三受傷。前年10月拍戲受完傷、俾電單車灼傷右腿大腿,今年四月又係因為拍戲扭傷腳。

點知就連幫無綫拍特輯,周秀娜隻腳都中招。上周五出發去日本沖繩為新節目《度身訂造旅行團》拍外景時發生意外,腳部受傷,要提早返港就醫,今日見佢落機嗰陣要坐輪椅出閘,似乎傷勢不輕,據知娜姐稍後將入院接受治療,希望佢盡快冇事啦。

幸好,秀娜返港時,除咗經理人陪住佢之外,仲有兩名密友,而且,男嗰個仲攞正牌同娜姐親密接觸,坐埋大髀——佢哋就係《怪獸公司》嘅阿Boo同《怪獸大學》嘅校園版大眼仔喇!依家好搶手o架!

周秀娜今日負傷返港,幸好有兩個密友相伴,仲可以同娜姐親密接觸:就係《怪獸公司》嘅阿Boo同《怪獸大學》嘅校園版大眼仔。
周秀娜今日負傷返港,幸好有兩個密友相伴,仲可以同娜姐親密接觸:就係《怪獸公司》嘅阿Boo同《怪獸大學》嘅校園版大眼仔。

周秀娜親述: 拍煙花鏡頭仆倒受傷

周秀娜因為拍無綫日本沖繩新節目《度身訂造旅行團》外景受傷,今日就要急急返港,落機仲要坐輪椅。

娜姐受傷之後,噚晚已經馬上通知經理人Roy,又謂公司每次出埠都為佢買落約1,200萬港元嘅保險。戴住黑超嘅娜姐今晚6點幾抵達香港赤鱲角機場,佢坐住輪椅出閘,右腳包住腫如豬蹄,佢講述受傷過程話:「噚晚拍煙花鏡頭,有兩支煙花失控,我自己又仆倒,當時流好多血,我都唔敢睇。去咗醫院冇照X光,只係止咗血,我擔心骨折,一陣去醫院照吓。」


粉絲見到心痛死


點解娜姐隻腳成日受傷o架?

曾醒明:只係小意外

無綫外事部副總監曾醒明今日喺將軍澳電視廣播城就回應:「我哋未聯絡到監製,未知詳情。呢次行程除咗周秀娜,仲有金剛、朱千雪同吳業坤,節目打算9月出街,呢次只係小意外,唔會影響。」佢表示無綫有幫旗下藝人買保險,娜姐呢次出埠都額外幫佢買保險。

講到玉腿頻頻受傷,娜姐就無奈咁話:「可能前世對腳得罪人,每次出埠都探當地醫院,今次純粹意外,我又論盡。」記者取笑娜姐「趾公」受傷,佢就大講爛gag:「我腳趾公受傷,子宮冇事。心口同上半身都冇嘢,不過唔着得密頭鞋。」

受訪完畢,娜姐就到醫院診治,娜姐今晚7點抵達法國醫院,女助手等人喺醫院等候扶娜姐落車轉坐輪椅,點知娜姐右腳膝頭不慎撞到車門邊,真係當黑!


娜姐成日受傷,真係慘!