娜姐胸壓71歲鵬哥

最後一場「詹瑞文盧海鵬紅館奇幻扮嘢大典」噚晚喺紅館舉行，周秀娜及余慕蓮擔任表演嘉賓，捧場有蔡一傑及王維基等。

娜姐同詹Sir及鵬哥3人扮草蜢，仲話組合叫草泥馬，秀娜扮蔡一傑、鵬哥扮蔡一智，而詹Sir就扮蘇志威。娜姐身穿透視裝，刻意喺胸前加裝飾做遮掩，但鵬哥就笑詹Sir經常偷望娜姐胸部，又大玩不文，用手指向自己下體：「你仲乜成日[目及]我細佬(娜姐)，我呢個細佬你就可以[目及]。你呢個外人快啲走。」

趕了詹Sir落台之後，鵬哥同娜姐以蔡一傑的性取向作笑話，鵬哥問娜姐：「你係男人定女人?你鍾意男人定女人?」娜姐將身體挨前胸壓鵬哥說：「我鍾意你呀!」鵬哥又問：「你想做女人?」一輪對話後，娜姐咪咀唱草蜢名曲《怎麼天生不是女人》，並與舞蹈員大跳辣身舞。

娜姐真係愈來愈紅呀!

王晶都有捧場

呢個組合叫:草泥馬

娜姐好瘦呀!

哇哇哇!娜姐胸頂鵬哥!

詹Sir都有份?!

詹Sir個樣…..

宣傳玩過同一招

71歲鵬哥真係好犀利…..

咦?個dancer有啲似黃子華….？

辛苦搵嚟自在食呀！食飽飽先有力開工！

王維基跳《江南Style》 向王征挑機

王征都跳過，王維基都要跳下啦！

噚晚最後一場「詹瑞文盧海鵬紅館奇幻扮嘢大典」喺紅館舉行，余慕蓮再次同鵬哥合唱，詹Sir就請咗仲係為發牌而搞盡腦汁嘅王維基上台合跳《江南Style》騎馬舞，起初王維基唔肯跳，詹Sir用激將法話：「第二間電視台老闆(王征)都跳過。」王維基話仲未拎到免費電視台牌照，不過最後佢都屈服跳咗。

而娜姐、鵬哥同詹Sir喺台上又拎蔡一傑性向來玩，鵬哥被問到蔡一傑本人喺正台下睇住，鵬哥就扮晒事不關己：「又唔係我扮，周秀娜扮，關我乜事。」詹Sir話：「傑仔一向好支持我，佢好玩得唔會嬲。」至於娜姐胸壓鵬哥，鵬哥自嘲年紀大肌肉鬆馳完全冇感覺，娜姐就扮矇：「有咩?我胸前有窩釘喎。」

余慕蓮條腿，一向都睇得下!

萬般不願最後都係跳咗。