伍詠薇中環晒恩愛
入行22年的伍詠薇(伍姑娘),最近轉戰商界「升呢」做CEO,專心打理美容生意的她,已向無綫請假暫停拍劇一年。日前傍晚七時許,戴上黑超、披上圍巾的伍姑娘,與老公練海棠現身中環,沿途有說有笑,十分恩愛。
當發現記者後,伍姑娘起初顯得閃縮,躲在老公身後,但幾秒後態度即180度轉變,與老公齊齊對着鏡頭喪笑兼晒V任影,最後由司機接載離開。
伍詠薇與老公練海棠逛中環,遇到記者即晒V。
楊怡自嘲睡寶寶
平時性格開朗、跳跳紮紮嘅楊怡,原來對運動一竅不通,平時最鍾意嘅就係瞓覺,就連佢都自嘲係「睡寶寶」:「其實我夢想係改變生活,要做多啲運動,不過仲未實行。(以前玩開咩運動?)打排球、羽毛球,不過都唔係好叻,曉郁咁囉!」