苟芸慧30歲生日 被陳煒取代做纖體代言人

有傳愈減愈肥,因而俾纖體公司以陳煒取代佢做代言人嘅苟芸慧(苟姑娘),今日喺將軍澳出席活動,見佢好「大膽」咁揀咗條白色連身短裙,雖然已披多件外套,但苟姑娘肥美雙腿依然表露無遺,側身睇仲好似有個肚腩仔喎。

原來今日係苟姑娘30歲生日,難怪佢容光煥發,仲話今晚會同伍詠薇等人食飯慶祝添。咁郭富城有冇表示,送上生日祝福呢?苟姑娘諗一諗先話:「佢應該好唔得閒。」咁咪好失望?苟姑娘就話冇失望,因為有好多錫佢嘅人關心佢。

好喇﹗入正題講佢俾陳煒取代做代言人單嘢,苟姑娘就話要問公司,但大讚煒哥好fit好nice,如果俾佢代言都開心喎!苟姑娘又話唔覺得hurt,自己生日睇化咗,只會同自己比較。

講到生日願望,苟姑娘想同家人旅行同學潛水,咁搵另一半呢?佢話唔心急,緣份到就有。

苟芸慧30歲生日 被陳煒取代做代言人
苟芸慧今日30歲生日,生日快樂呀﹗

苟芸慧30歲生日 被陳煒取代做代言人
苟姑娘好「勇敢」着白色連身裙出席活動。

苟芸慧30歲生日 被陳煒取代做代言人
但條裙有少少甩線。


苟姑娘仍需努力喼弗。


個樣係咪好cute?


呢個側面又點睇?


苟姑娘話唔心急搵另一半。