王寶寶(春卷)今日喺上環為自編自導自演嘅微電影《爭仔愛作戰》最後一日開工，呢場戲講春卷被情敵Mizer整蠱，拎住佢啲衫上電車，搞到春卷淨係著住桃紅喱士bra同內褲，現場見到著喱士底底嘅春卷下體現形，拍攝時性感赤腳喪追電車，仲追到舉晒中指添。春卷話：「少少緊張啦，不過都ok，做model咁多年，而且以前裸照都拍過啦！」

赤腳追電車，春卷忍唔住話：「腳板好痛。」其實喺街上只穿內衣褲有冇犯法？佢話：「又唔係全裸，同比堅尼冇分別。」今次半裸追電車，春卷透露事前要減肥：「呢兩日減少食量，我不嬲都係脹脹地，以前我未嚟香港，我係small(內衣褲size)，點知嚟到香港，我要買加大碼，真係好難受，因為hip位幾勁，想買大碼都穿唔入。」

《爭仔愛作戰》係講女追男嘅故事，係咪想話畀男友李思捷知﹖春卷話：「我有男友咩？我冇男友。」莫非又分咗手？春卷話：「咩『又』喎？分咗一次之嘛，冇啦！」之前佢自爆李思捷會探班，春卷話：「呢場唔會嚟，咁早。」佢有冇畀意見你？春卷話：「佢知我拍呢場，仲話幾爆。」

李思捷最鍾意整蠱人，春卷當然係目標之一，春卷笑住咁話：「同佢一齊咁多年梗有整蠱，最大嘅整蠱係佢唔知整蠱緊我，小整蠱就係我打畀佢，佢扮另一把聲，我就以為自己打錯。」李思捷經常講「整蠱你，因為愛你」，春卷話：「好玩嘅，我本身鍾意識講笑嘅人。」

跑前一影…

再同工作人員social吓…

脫喇喂！

春卷手指指指乜嘢？

進擊之追電車開始！

我跑！

追呀！

呢留奇景吸引到阿叔高抄…

兼close up喪拍…

仲要係non stop實時報道…俾自己睇…

原來已經吸引到一班觀眾喇…

不過跑完之後春卷疑似下體現形…

李思捷探春卷班高呼：好正！

繼今早穿桃紅色內衣在中環狂奔追電車後，王宝宝（春卷）之後再換上藍色低胸連身裙現身旺角，繼續拍攝微電影，並得到李思捷現身撐場。而身材忽然升CUP的春卷，拍攝時及與導演商量期間不時拋胸，為旺角街頭增添無限春光。

李思捷與春卷見面即來個擁抱，然後再閒聊一番。問他為何不帶點美食來「萬歲」？他稱：「我沒那麼Creative，沒你那麼細心。」思捷直言已看到春卷穿內衣奔跑的報道，並大讚舊愛表現「好正」，他說：「件事幾型吖！她放了很多心機落去。(你有幫手構思劇本？)有，始終是條Trailer，說了試了到Point就OK。(擔心她被『睇蝕』？)關我甚麼事？」追問思捷是否與春卷仍保持好朋友關係？他則點頭說是。思捷逗留約5分鐘後離開，臨走前還與春卷來個Goodbye Kiss呢！