樂瞳（Cilla）笑得夠甜，成功踢走糖妹成高登女神，今年父親節，Cilla忙裏偷閒陪雙親吃日本菜和唱K慶祝，並開出期票：「我知佢哋（父母）愛我，我要將來一定畀間萬呎豪宅佢哋！」樂瞳爸爸坦承想女兒嫁入豪門，樂曈媽媽卻唱反調：「其實唔駛大富大貴，夠食夠住就得啦！」雙親意見不一，但十分搞笑。採訪：方騫平、李珮琪

攝影：陳辰 場地提供：松家日本料理（25261012）

樂曈早前憑無綫劇集《點解阿Sir係阿Sir》中飾演叛逆「中女」令她登上「神」級，知名度和工作量都三級跳。不過，樂瞳仍想做乖乖女，日前率先跟爸爸慶祝父親節。Cilla知道爸爸最愛吃日本菜，尤其是鐵板燒安格斯牛扒和燒大蝦，她便親自下廚給爸爸一個驚喜，還同場加演做金龍卷（芒果蝦卷）。從旁監場的爸爸一臉甜絲絲，兩父女還即席在鐵板上來個「交流」，洋溢溫馨。甚少下煮的樂曈在師傅指導下，做得有板有眼，色、香、味俱全。爸爸未食經已豎起大姆指讚好，還歡天喜地給囡囡一百分，大讚孝順，但唯獨有點懶惰要扣分。

爸爸想Cilla嫁入豪門

嬌滴滴的樂瞳入得廚房，出得廳堂，真是好女唔憂嫁。至於想不想女兒嫁入豪門呢？樂瞳爸爸笑住說：「都想既，但都要釣到金龜婿先得㗎！邊個父母唔想個女嫁得好架？但我又唔想個女做陳冠希（舊唱片公司老闆）女友！」反觀樂瞳媽媽搖頭大唱反調說：「最重要唔係錢，唔駛大富大貴，夠食夠住就得啦！千祈唔好畀壓力自己，最重要開心，唔好返到屋企哭哭啼啼！」樂瞳許下承諾說：「有他們鼓勵，我會堅強和努力。」

樂曈親吻爸爸，樂瞳爸爸開心得舉起V字手勢。

Cilla細心地為爸爸做金龍卷，真是入得廚房，出得廳堂。

雖然是父親節，但連媽媽都被孝順的樂瞳感染，當晚氣氛可謂一家樂也融融。

Cilla小時已被爸爸照顧得呵護備至。