樂瞳出錢出力孝順老竇

樂瞳顯孝心爭住畀錢

新一代「宅男女神」樂瞳工作不斷,緋聞男友亦接踵而來。日前她難得有空,竟撇下所有緋聞男友,與爸爸和細佬歎茶及行街市享家庭樂,樂瞳全程爭畀錢,盡顯孝心。

樂瞳早前憑電視劇《點解阿Sir係阿Sir》而人氣勁升,成為新一代「宅男女神」。上位後她身邊經常有仔埋身,但日前見她冇約男伴,反而抽空與父親及細佬飲茶兼行街市,做個孝順女。

與父親感情要好的樂瞳,一有空便會做廿四孝女兒陪行街飲茶。

與父親感情要好的樂瞳,一有空便會做廿四孝女兒陪行街飲茶。

深受學生歡迎

當日約下午一時,身穿熱褲及三吋高踭鞋的樂瞳,與爸爸和長髮戴黑框眼鏡的細佬在東涌一間酒樓飲茶,樂瞳除了不停夾點心給父親,食飽後更主動埋單爭畀錢。之後三人在商場內行逛,樂瞳主逛男裝店及電器舖,看來有意買禮物給父親,可惜未有收穫便離開。

由於當時正是放學時間,不少學生都認得樂瞳,更主動上前與她搭訕,亦有學生離遠用相機偷拍,可見她深受學生歡迎。最後三人再到附近街市買餸,樂瞳全程畀錢,父親一毫子都唔使出,十分孝順。

樂瞳歎完茶爭埋單,十分孝順。

樂瞳歎完茶爭埋單,十分孝順。

樂瞳歎完茶爭埋單,十分孝順。

樂瞳、爸爸、弟弟

雖然弟弟孭住結他行街,但樂瞳指他無意入娛圈。

細佬無意入行

事後樂瞳接受電話訪問,她表示平時會抽空享受家庭樂︰「開心日日都係父親節,平時得閒都會同阿爸飲茶,有時仲會去唱歌,佢好鍾意唱陳奕迅啲歌,好潮架!」她坦言收入不多,但仍會盡量畀錢家人,故希望接更多工作。問到手持大結他的細佬是否想加入娛圈?她說︰「唔係,佢初學結他,希望我將來有機會開mini concert,叫埋佢嚟jam歌。」