馬國明（馬明）、李詩韻同林夏薇，今日喺為無綫劇《寒山潛龍》拜神，稍後大隊會去內地拍外景，馬明即被取笑係為返內地拍劇鋪路，佢即係笑笑口話：「我會識多啲人，最好識多啲靚女，我唔怕有緋聞，間唔中要有呢啲報道先有工作！」

有傳內地有唔少人主動「拍門」，馬明就話：「我之前返內地都有人攝咭片入房門，啲女仔相仲好性感，但我唔敢打電話，我怕放蛇，覺得會貨不對辦，我寧願悶爆，都唔要呢啲『調劑』。」

馬明仲自爆極少按摩：「我好怕人摸腰，試過有次同郭晉安去按摩，我全程kit~kit~kit~咁笑，成個感覺好核凸，搞到安仔問我發生乜事。」

馬國明唔介意有緋聞，唔知會唔會同林夏薇傳緋聞呢？

李詩韻﹑馬國明及林夏薇，今日會唔會覺得太熱？

眾藝員出席拜神儀式。

林夏薇（右）嗰樣幾開心。

沈卓盈呢身打扮的確透心涼，so sexy﹗

馬明會唔會同李詩韻傳緋聞呢？

李詩韻功架十足咁啵。

曹永廉陳國邦囡囡同場鬥萌

今日馬國明﹑李詩韻﹑林夏薇﹑沈卓盈﹑張國強等，出席《寒山潛龍》拜神儀式，而曹永廉及陳國邦仲各自帶埋自己囡囡出席添，曹永廉囡囡好Cute呀，同爹哋錫錫之餘，又經常笑唔停，萌到爆；至於陳國邦囡囡陳禛，唔知係咪因為天氣太熱，所以有少少扁嘴，合照時冇笑容，當媽咪羅敏莊抱住佢時，陳禛已經戴返副超，當堂變咗型女﹗

曹永廉愛女萌照#1

曹永廉愛女萌照#2

曹永廉愛女萌照#3

父愛滿瀉。

陳國邦一家三口。