梁家輝憑《寒戰》奪得今屆金像獎影帝，該片亦連掃9個大獎，包括最佳電影、導演、男主角、新演員及編劇等，噚晚率領台前幕後到K11舉行慶功。雖然另一主角郭富城冇現身，但張家輝同Janice Man都有到賀。佢表示拍港產片唔會加片酬，亦承諾會開拍第二輯：「老闆同導演(梁樂民、陸劍青)都wing wing哋，但如果係真，點解唔做呀？！」

而《寒戰》兩位得獎導演被問會唔會寫好啲郭富城嘅角色、令佢明年都可以入圍爭影帝？佢哋就話：「係我哋唔啱，今次會寫好啲。」另會加多啲劉德華嘅戲份，係咪會有埋周潤發？兩位賣關子話：「新人物唔止一個，但冇接觸過，我哋亦簽咗保密協議。」

至於失落影帝嘅張家輝，就大讚《寒戰》出色，自言有賭未為輸，對黃秋生喺台上揶揄佢矮，家輝話：「佢幼稚啫，高又唔係大晒。」佢亦唔擔心拎鄭中基同楊千嬅舊情嚟講笑會得罪人，佢話：「開始前有問過千嬅，佢話冇所謂，剩係問中基老婆喺唔喺度，但我覺得呢個係一個party，朋友講吓笑冇所謂。」

一眾《寒戰》演員。

梁家輝笑容滿面。

（左）錢嘉樂、林家棟。

《寒戰》導演（左）陸劍青、梁樂民。

張家輝俾面出席《寒戰》慶功宴。

平胸Janice Man都性感撐場。