無綫真人騷《求愛大作戰》接近尾聲但依然負面新聞不斷，形象負面嘅Vivien日前向本報爆大鑊，力數《求愛》造假，直指一早認識Justin，又稱為提高收視而做戲示愛，大哭訴遭無綫擺上枱，直指：「呢班唔係一班好人。」

今日無綫外事部副總監曾醒明即否認做假及擺對方上台，表示公司會安排編導岑應同對方解釋情況。佢話：「呢個係真人騷，成個過程都係真實o架，只係中間有啲要合乎廣播條例所以要剪輯。佢哋響龍目島玩遊戲都係講返佢哋本性真實一面，求愛過程展現出嚟，冇話造假。」

但Vivien表示無綫力阻佢向外透露早已認識Justin，曾生話：「佢哋本身係響網上搵?，因朋友互相介紹一早認識唔出奇，總之大家一開始清楚拍攝形式係點，唔係去到最後先話點解會咁。」

對於參賽者嘅自我宣傳比無綫嘅宣傳更犀利，曾生話：「除咗拍攝之後，其他我哋管唔到佢哋，因為佢哋唔係我哋合約藝員或職員。」但佢哋真係比包薪藝員仲落力囉！

《求愛》Sharon有拖拍 被轟乞人憎男友戥唔抵

趙碩之、「綠魔」Karl及《求愛大作戰》參加者Sharon、阿佳等噚晚去到上環文娛中心欣賞舞台劇首映，阿佳同緋聞女友Mandy合照時一臉尷尬。

Sharon被爆有個從商男友，問佢係咪有拖拍？佢話﹕「暫時算係。」但唔夠一陣又反口話﹕「節目途中認識，其實都唔算係拍拖，可能有發展機會，但唔方便講。」佢喺節目中被指乞人憎，問男友會唔會介意？佢話﹕「佢都戥我唔抵，話我小朋友口直心快，易令人誤會，仲要係剪接將小句子擴大。」

另外，趙碩芝自爆求學時期係同性戀者，問有冇親密行為，佢話﹕「拖手都算禁忌，無咁激嘅嘢。」後來有機會認識男仔，反而覺得同女仔交往多是非。

阿佳同Mandy係咪發展中?不過問下係咪做媒啦…..

連睇舞台劇都撈埋，邊夠你哋嚟?

Sharon自爆話有拖拍，但事後又唔認。

阿佳笑得幾開心!