王祖藍主力創作的劇集《老表，你好嘢！》昨晚大結局，希望觀眾們在新春假期不會感到失落，祖藍、黃光亮、王菀之（Ivana）、陳嘉佳（細細粒）更希望延續老表精神，祝願香港社會更加和諧，處處喜氣洋洋。

撰文：汪芷寧

叫好又叫座的《老表，你好嘢！》，祖藍不敢獨自領功，他坦言要多謝太多人，說時像講得獎感受，多謝一眾台前幕後，「謝謝大家」之後，還有那個「她」，祖藍說：「仲有我阿媽、女友李亞男，佢哋忍受我嘅脾氣，又放我出去等我專心做嘢唔使掛心，所以有一半功勞屬於佢哋。」

■（左起）王菀之、黃光亮、王祖藍和陳嘉佳蛇年延續老表精神，祝大家和諧和諧、喜氣洋洋。
攝影：陳志嵐

■祖藍新春登台發新年財，不忘祝願大家搵多啲。

祖藍：有大把橋

至於今年會開拍的續集及電影版，祖藍坦言新春後會返內地拍無綫新劇《食為奴》，幾個月來都沒有時間，故創作劇本一事需從長計議，他說：「係有大把橋，但唔係《老表》嘅橋，睇吓有冇辦法混合得到。」
新春假期，祖藍要到加拿大登台，接着到內地上元宵節目，稍後便到橫店拍《食為奴》，忙得連情人節也未能跟女友過，祖藍說：「情人節喺飛機上過，喺唔係城市嘅地方困兩、三日，費事女友過嚟啦。」至於新年願望，近年搵錢甚多的他說：「想搵多啲時間休息，唔養精蓄銳就度唔到橋，所以返嚟睇吓有冇得唞。」錫女友的他，定必乘機陪女友啦。

■黃光亮和王祖藍合作一劇已有父子情，希望在續集中繼續發放笑料。

亮哥：要拍多啲

黃光亮演祖藍老竇而復出，坦言沒有預期劇集有如此好成績，他笑言：「因為我未拍過劇，冇預過。」續集會否繼續玩？亮哥笑說：「佢哋搵我，我仆到嚟啦，今次拍得好開心，有番啲戲癮想拍多啲，電視劇、電影都可以，唔好話我做生意，我??家冇乜嘢做，又唔好意思話俾人知冇乜嘢做。」
淡出娛樂圈後的亮哥一直低調，是以農曆年都會安安靜靜在家度過，沒有因人氣高企而改變，問到新年願望，他說：「最緊要身體好，身體好自然乜嘢都有啦。」

■王菀之和細細粒都因劇集入屋、角色討好而人氣勁升。

菀之：想拍電影

王菀之首次拍劇便將角色吳芝晴演到街知巷聞，Ivana感受到電視劇入屋的威力，她說：「??家大家都唔叫我真名，叫我晴晴，多咗份親切感，同大家距離拉近咗，感覺香港人一家親咁。」談到新年願望，Ivana鬼馬說：「想食勁多、勁多底糕都唔會肥，同埋??好多利是，補番之前去咗旅行用嘅錢，越多越好。」
原來Ivana的新年願望不止肚皮及荷包常滿，還有一個目標：「想拍到一部好電影，等咗好耐，但唔急，會繼續等好劇本，我一向都鍾意演戲。」

 

細細粒：保住人氣

另一個成功出位的細細粒陳嘉佳（小寶），新春繼續大吃大喝，且會爭取休息，她說：「初三約咗朋友燒嘢食，其他時間休息，準備之後拍《食為奴》。」她的新年願望是可保住人氣，拍劇之餘也拍電影，她也會下苦功鑽研演技，準備迎接更多有機會發揮的角色。