Sharon冇人揀變籮底橙: 係佢哋嘅損失

今晚呢集《求愛大作戰》終於大結局啦！！！感覺就好似恍如隔世咁….因為是非太多，一集變幾集，觀眾睇到厭未呢?

好啦，一眾盛男終於要向「女神」表示啦，首先….港女Sharon係點呢?各位盛男只要諗起Sharon喺節目一啲唔好嘅表現，Justin甚至毫不客氣話: 「你(Sharon)知錯又唔認呢，係好仆街架嘛，考慮都冇考慮佢」Rocky就話: 「發覺佢落差都幾大」

慘變籮底橙嘅Sharon事後仲係好好勝咁回應:「佢地唔揀我，唔代表係我嘅損失囉，分分鐘係佢哋嘅損失囉。我想同啲好憎我嘅人講，我唔會咁易比你哋打倒，佢哋4個唔揀我，I deserve better，the best is yet to come」oh!

咁性格望落幾好嘅Carol又點呢?竟然爆大冷，Justin對佢表示好感，不過，Carol最後都冇收花，都係握握手做個好朋友咁啦。

Sharon冇人揀…oh

Vivien又係冇人揀 自認大情大性唔耍手段

今晚《求愛大作戰》大結局，究竟踢爆個節目造假嘅Vivien，又點呢?當主持叫一班盛男回憶下同Vivien一齊嘅經歷…嘩，然後成班盛男耷低頭好似受罪咁款…睇嚟回憶好似幾慘烈。

最後，又係一個盛男都冇揀Vivien，Vivien事後又口硬話:「呢4個男仔亦都唔會係喺社會上好成功嘅男仔囉，咁佢哋嘅意見，只不過係代表一部份男仔嘅意見，並唔係全香港男仔嘅意見。一個大情大性嘅女仔，佢直接，總好過過背後耍手段嘅女仔要高明呢?」

去到靚女Whitney，毫無意外，都係好冧佢嘅Rocky向佢表示愛意，Rocky望住佢個樣，真係好冧咁話:「如果你有咩事你有咩意外，我都會保護你」估唔到嘅係阿佳都加入戰團， 不過Whitney覺得佢中途轉追carol，所冇接受佢，反而收咗Rocky支花。

Vivien，都係冇人揀嘅!

導師變主角 Cyrus當眾向Queenie表白

都話呢套《求愛大作戰》，班盛男根本就唔係追女參賽者，「求愛」究竟即係求咗啲咩呢?

原來之前俾人影到行街街嘅Cyrus同導師Queenie，係真係認真喎!今集尾段，唔知點解Queenie變咗女主角，15分鐘都係講Cyrus向Queenie表白，仲自彈自唱冧爆女方，Cyrus話:「其實我等咗呢個moment等咗好耐，其實一路以嚟，Day1個show開始，我鐘意個嗰都係QQ(Queenie)」

Queenie話:「點解鐘意我呢」

Cyrus讚到Queenie天上有地下無咁話:「因為覺得你extremely sexy，extremely intellectual，extremely attractive woman to me」佢回憶起當初綠魔Karl要佢抱起Queenie，佢已經fall in love啦!!

Cyrus話:「個下好吸引人，好有女人味，同節目啲女仔完全唔同level，萬中無一」最後Queenie都有接受同佢約會!不過就搞笑話自己做得佢阿媽，其實Queenie 40歲，Cyrus 31歲，你未生得出佢喎!

oh，恭喜恭喜!