陳志雲昨於赤柱豪宅為本月18日於商台首播，談生論死、推廣生命教育的《生死之交、陳志雲》節目錄音。頭炮請來陳寶珠擔任嘉賓，而為節目提供意見的林以諾牧師及善寧會代表亦有出席，出席者每人都獲得微波爐翻熱碗做紀念品，形式儼如《志雲飯局》一樣！文、圖︰康蕎

陳志雲強調自己不是挑戰TVB，「揀喺呢度錄音，只係想畀寶珠姐有個家嘅感覺，能夠較暢所欲言啫！《志雲飯局》係TVB節目，依家呢個節目無飯食，最多係得水飲。（主持商台節目同TVB可有牴觸？）我有知會過公司，呢段時間我可以做電台工作，其他電視台就唔得，（哪你在TVB何時復職？）都係等緊公司通知。」提到有指商台以數百萬酬勞邀他過檔，志雲否認︰「無，做呢個節目無酬勞，屬義務工作。（會請TVB藝人如崔建邦做嘉賓？）呢個節目探討死亡，想搵番有至親離世或者自己走過死門關嘅人做嘉賓，如果TVB有藝人適合都會邀請，今次搵寶珠姐係因為佢經歷過媽咪離世，想搵佢同大家分享點去面對。」

至於母親宮粉紅離世後，一直休息的寶珠，表示心情已平復許多，接受訪問會否勾起悲傷情緒？寶珠坦言有心理準備︰「我諗我會喊，但唔會好似初初咁喊到停唔到，因我會諗媽咪其實走得好舒服，呢口的係修返嚟嘅。」

寶珠短訊慰問志雲

問到寶珠可擔心陳志雲被廉署調查一事，她就對志雲很有信心︰「之前都有傳短訊慰問佢，佢有覆我話唔使擔心，所以我都唔擔心，因為我知佢明白自己做緊咩！」另外，昨日有線 派採訪隊到場欲訪問陳志雲，起初他表示在場所有傳媒一齊訪問的話無問題，但當採訪隊要求單獨訪問時，志雲就禮貌地婉拒，只剩寶珠姐1人以廣東話接受有線訪問。

■陳志雲昨為商台錄音，頭炮請來陳寶珠擔任嘉賓。

■一直休息的寶珠，表示心情已平復許多。

■昨日錄音前，志雲一如主持TVB的《飯局》那樣，送紀念品給嘉賓。

■志雲自嘲TVB的是《飯局》，現在電台開咪只多飲水。（資料圖片）