陳曉東自爆有女友 同舊愛張栢芝沒聯絡

陳曉東噚晚出席喺灣仔舉行嘅寶麗金演唱會,佢一身紅西裝同身穿黃裙嘅湯寶如合唱,佢笑話兩個好似「蕃茄炒蛋」。

東東表示有人斟佢返港開個唱,加上自己未喺紅館開過騷,不過最快明年先可能成事,因為之後要返大陸拍劇。

提到當年都係同一間唱片公司嘅舊愛張栢芝,東東同佢仲有冇聯絡呢?東東話冇,亦冇留意娛樂新聞,佢自爆:「我喺台灣有拍拖,分隔兩地,女友投訴都冇法,要做嘢。」會唔會公開?東東話:「冇所謂,不過講結婚太遠,順其自然。」

之前東東喺台灣內湖買屋被指金屋藏嬌,佢話:「兩年後先收樓,結婚心態係ready,但唔可以迫咁緊。」

除咗同湯寶如合唱外,東東亦有同王馨平(Linda)合唱,Linda件歌衫都好性感,中間位置係透視。

陳曉東自爆有女友 同舊愛張栢芝沒聯絡
東東話冇同舊愛張栢芝聯絡,仲自爆o依家拍緊拖。
陳曉東自爆有女友 同舊愛張栢芝沒聯絡
東東笑言同湯記呢身打扮,似蕃茄炒蛋。
陳曉東自爆有女友 同舊愛張栢芝沒聯絡

王馨平件歌衫中間位置係透視。

湯記條裙都幾性感啵。