據知，無綫趁11月台慶月將臨，瞄準一眾經常呻「冇機會」的80、90後展開夢想大作戰，開拍創業真人騷！邀得於2000年經典處境喜劇《男親女愛》的收視神話組合黃子華及嘟姐擔任主持！

無綫非戲劇製作總監余詠珊昨日接受電話訪問，坦承將開拍年輕人創業真人騷節目，她表示會盡力促成其事：「依家努力同子華度緊期，我都好想黃金組合重現！（酬金加碼？）在所不計。（咁重手？）因為佢哋真係好適合，畀人感覺精明、有見地，搵佢哋做呢個節目主持可以話冇風險。」

據知今次真人騷節目會讓擁創業夢、有諗頭的年輕人即席「Sell橋」，只要能打動棟篤「橋王」子華、轉數快的精明女王嘟姐，及一眾包括曾志偉等的專業評判，就有機會贏得贊助，獲創業資金外，創業過程更會有專業團隊包括銀行界、會計界及地產界等提供建議及協助。