黃子華近日埋首拍攝無綫新劇《My盛Lady》，今日佢同林盛斌及徐子珊去咗新蒲崗街頭拍外景，雖然天氣酷熱，氣溫高達32.2度，子華仍要着住件厚到爆嘅「安全兔」毛毛衫通街走，真係見到都覺得熱，戥佢辛苦呀﹗眾所周知，子華依家已經好瘦，唔知着住件「安全兔」毛毛衫後，會唔會又因為爆汗而再瘦多幾磅呢？

咁點解子華唔搵替身，要親自上陣呢？子華就解釋：「我咪替身囉，今日劇情話阿Bob呢位闊少想做善事，但又唔想自己辛苦，所以搵我幫手做佢替身，仲要拉吓車仔，其實我好多年之前都扮過麥當勞叔叔，唔好笑，都係一個表演行業嚟?。」

之前跌親嘅子珊照着高踭鞋開工，佢話仲有少少痛，佢又話將來有乜難度動作，都會盡量親身上陣；林盛斌就戴住假髮拍攝，佢話自己有啲似鄭伊健同陳可辛混合版喎。

黃子華扮「安全兔」四部曲。

之前跌傷嘅徐子珊，今日照着高跟鞋開工。

Bob話自己似鄭伊健及陳可辛混合體，吓？

黃子華喺32.2度高溫下拍劇。

仲要着住厚到爆嘅毛毛衫扮兔。

睇見都熱…

仲要笠兔頭…

完成！

林子善﹑黃子華及阮兆祥

黃子華邊受訪邊抹汗。