《Delete愛人》宣傳 王祖藍期待咀王菀之

王祖藍、王菀之、許冠文、莊思敏、王敏德及方力申等藝人,今日喺太古城出席葉念琛導演新片《Delete愛人》宣傳活動。

祖藍同王菀之繼《老表,你好嘢!》之後再續前緣,祖藍揚言十分期待同王菀之嘅銀幕初吻,佢話:「好期待,《老表》冇咀到,我自己寫劇本就話唔好意思,今次人哋寫就大條道理,點解電視唔咀呢次咀?因為電影要畀錢睇嘛!」

此外,許冠文有幾年冇拍戲,佢表示甚為欣賞王祖藍:「佢幾乎萬能,又受過正統訓練,只差一部好hit嘅作品。」不過呢部新戲有幾位新人,許冠文坦言唔識:「依家新人轉得太快,尤其歌手,記得當年同梅艷芳出頒獎禮,我叫阿梅介紹啲新人俾我識,點知阿梅話好多佢都唔識,叫我坐低睇騷唔好問咁多。」


王祖藍同王菀之又合作,仲加埋許冠文添!


王敏德好風騷喎!


葉念琛(右)真係長拍長有。


龍小菌同祖藍係做兄妹….身高差咁遠……