曾幾何時有幸成為處境劇骨幹演員的鄧永健，突然轉做兒童節目主持，歸根究柢，原來他的拍劇生涯出現空窗期，當時他曾經反省過究竟發生了甚麼問題，可幸他並未意志消沉，反思過後，鄧永健覺得趁年資尚未算太深，能有這樣的機會學多一點，等再有機會來臨時，自然可以發揮得更好。撰文：何慧斯

曾經做過小丑藝人的鄧永健，06年藝訓班畢業後加入無綫做藝員，當時先後參演過處境劇《同事三分親》、《畢打自己人》和《天天天晴》，不過他突轉到兒童節目《放學ICU》做主持，問到箇中原因，鄧永健說：「嗰陣拍劇個量比較少，二來又可能拍處境劇做咗一段時間，畀人印象比較搞笑，變咗有啲劇怕搵你做會冇說服力，所以難啲會搵你，咁啱喺呢段過渡期有呢個機會，所以咪試吓，初初都覺得吃力，慢慢試吓做，學到啲做主持技巧，叫做比以前好咗好多，但係都未學夠。」

■經歷事業低潮期，鄧永健未有被打沉意志，反而抓緊機會繼續學習，為下一個機會做好準備。
攝影：仇志德
化妝：Kimmy of KimWongMakeup
髮型：Paul Chow of ii Hair& Nail
服裝：Cubic Products
場地提供：Harlan’s(The ONE)

■曾經擔任小丑藝人的鄧永健，會為小朋友的反應好而開心。

趁空檔反思

面對事業上這個大轉變，鄧永健反思過後，他以正面的態度去處理，他說：「我都有喺呢段空檔期好好咁反省過，諗咗好多嘢，都有諗過自己係咪做錯咗嘢，又或者諗自己係咪做得唔好，我未至於心灰意冷，做嘢梗會有高高低低嘅時候，反而覺得趁年資唔係太深，有呢個機會咪學多啲嘢，等再有機會嚟嗰陣，自然會發揮得更加好。」

虛榮心作祟

主持兒童節目一年多，鄧永健當然有另一種新體會，他說：「之前嗰段過渡期令我成長咗好多，你可以話係從頭嚟過，又可以話將學咗嘅嘢、累積咗嘅經驗，喺兒童組用番出嚟，好多人覺得兒童組冇咁大發揮，事實上兒童組都係好多元化，有時可能只係幾分鐘嘅趣劇，但係都包含好多心思，難度一定有，小朋友反應好直接，唔會講大話，所以睇到啲小朋友反應好好，我會覺得好開心。」

■鄧永健視主持兒童節目為一個新挑戰。

■鄧永健曾客串不少劇集，在《法證先鋒III》飾演的幹探，令他有難忘體驗。

■當年鄧永健在《畢打自己人》的演出不俗，受到不少觀眾注意。

回想當日轉投藝員行列，當然有一定的期望，鄧永健坦言：「做呢行除咗想學啲嘢之外，虛榮心一定會有，如果唔係唔會做電視台，我都有諗過會做吓主角，拍吓電影，當你喺訓練班開始接觸多咗，發覺唔可以一步登天，要慢慢嚟做，等個機會，有工作喺手咪睇吓點樣做好件事。以前好期望個成果，??家反而享受過程，如果得到最想嗰樣嘢，咪當bonus。」他還說：「做呢行嘅心理質素係好緊要，有時諗嘢唔好喺單方面諗，嘗試喺唔同角度去睇，我自己會覺得，如果你新入嚟，即刻畀個主角你做，你又做唔做到呢？但係啲嘢又要出街，做得唔好又點算呢？觀眾只會睇到你做得唔好，變咗咪好似嘥咗呢個機會？點解唔喺呢個機會未出現之前，好好裝備自己呢？」正因為熱愛表演，他把握每次演出的機會，亦不抗拒客串角色，他說：「其實有時啲客串角色，喺冇乜負擔嘅情況下，發揮嘅空間仲大，一套劇嘅成功係要靠好多人嘅合作，每一個角色都有用。」

打入飛躍五強

■為表現自己，鄧永健每次出席宣傳活動都努力做到最好。

■鄧永健坦言不介意客串演出任何角色，事關在沒有負擔情況下，發揮可能更好。

現年29歲的鄧永健曾經擔任小丑藝人，於第20期藝訓班畢業後加入無綫，曾參與處境劇《同事三分親》、《畢打自己人》的演出，當時外間反應不俗，09年更憑《畢》劇打入飛躍進步男藝員最後五強，現時主要主持《放學ICU》。