溫兆倫舉報網民「反愛國」言論

「好愛祖國」,已經完全變成強國人嘅溫兆倫,佢嘅微博變咗佢個「愛國陣營」,天天發表「愛國正向思考」,無限擁抱同包容「祖國」嘅缺失,歌頌「祖國」有幾美好有幾繁榮,唔做強國外交部發言人真係嘥晒。

溫兆倫經常話自己唔想出現喺娛樂雜誌,咁就奇怪喇,做娛樂圈又唔想出現喺娛樂雜誌,唔通想上《人民日報》?佢話娛樂雜誌「負能量」太重,咁又係,佢個微博咁「正能量」,日日唱好「祖國」,容不下「唔愛國」呢啲「負能量」嘅,噚日佢仲有所行動,將網民喺佢微博留低嘅一啲「反愛國」言論,都將佢哋嘅IP送交有關部門按法律處理,網上維穩,即係國安部啦!

佢喺微博咁講嘅:
「幾天前我在微博表達了我『愛國』結果引來很多『反愛國』人士用各種文字侮辱中國文化的美德來表達。『愛國』是我個人的選擇而無知無明的『反愛國』人士在我微博表達的只是對在社會生活的不滿;你們的情緒,心態和某些經歷我本人是非常理解但『本是同根生,相煎何太急』?沒有國那有家?

這兩天辛苦幾位同事把在我微博中發表和轉發了超過五百次不良內容的博文,IP位址送交有關部門按祖國的法律去處理,有些還差幾條才過500條轉發的我希望你們不要達標,因為後果你們都比我清楚!這兩天我停止了讓大家評論的目的是不希望看到大家為了一時的衝動而惹來麻煩,何必呢?『愛國無罪』!」

佢仲寫咗一大段「愛的表白」置頂添:「一個不愛國的人你也別奢望他會為別人或者社會付出有多大,因為他們最愛的是自己。我很慶倖97香港回歸到祖國的懷抱,我這個香港人在97年前是一個沒有國家的人,現在我很驕傲地說:我的國家中國,我是一個有血有肉的中國人! 不管你們如何批評我都改變不了我愛祖國的心!」俾自由行天天蹂躪的香港人,呢堆嘢聽落真係好似粗口咁難聽。

溫兆倫依家已經係一個不折不扣嘅強國人。
溫兆倫依家已經係一個不折不扣嘅強國人。

睇佢嘅微博,以為睇緊《人民日報》呀!
睇佢嘅微博,以為睇緊《人民日報》呀!