早前徐子珊喺無綫劇集《點金勝手》入面，繼續延續佢「不死身」嘅神話，墮崖又死唔去，做完手術之後，徐子珊一個呆樣瞬間激發網民嘅創意，係短時間內衍生多款Key圖，完勝有「萬能key」之稱嘅馬德鍾同陳奕迅。

徐子珊呢個呆頭樣，無論放喺古裝、時裝、卡通都好，都完全無違和感。比起全盛時期嘅馬德鐘，徐子珊已經超越咗馬神！依家徐子珊個呆樣，仍然不斷有新key圖推出，徐子珊都應該估唔到，佢呢個呆樣比起佢嘅性感咀唇更吸引！