陳爽走光嬲到生痱滋

陳爽將與金剛和蘇丹合作，為無綫收費台拍攝一個教小朋友講國語的特輯。在哈爾濱出生的陳爽，操得一口流利國語，她直言最擔心小朋友難教：「依家啲小朋友都幾曳，唔知係咪我太善良，成日畀小朋友蝦，試過有親戚啲仔女過嚟打我，依家學識扮惡啲，寧願一開始畀啲威嚴，等佢哋見到你都怕，之後再慢慢變善良。」

陳爽對走光事件仍留有陰影，揚言出席大場合會更小心謹慎。

此外，陳爽透露第二部拍攝的電影《翡翠明珠》將於七月上映，她表示心情好興奮：「有機會去北京取景，雖然拍攝期間好辛苦，但有好多好嘢食。」早前陳爽在慈善節目中不慎走光，她直言曾嬲到「生痱滋」，故出席首映時會小心一點。

服裝及場地：GUESS（圓方）

陳智燊最愛坐梳化

無綫男藝人陳智燊（Jason）去年在無綫台慶中贏得大利是，彩頭十足，問他是否閒來喜在家中擺風水陣？Jason笑說：「我對風水有興趣，但睇極唔明，為免亂擺破咗風水，所以都冇刻意去擺陣，但求入屋舒服就OK。」

陳智燊把維他命丸及毛公仔都放在梳化上。

Jason坐在梳化上網，感覺最relax。

講到全屋最舒服的地方，Jason首推係梳化：「我睇電視、上網、背劇本、打機，全部都離唔開張梳化。由於我大部分時間都喺張梳化度，為咗提醒自己食維他命，我仲將啲維他命丸擺晒喺梳化度添！（點解會有毛公仔？）我媽咪話馬騮旺我，有次我見到呢套動物公仔，於是就買咗隻，買吓買吓，依家想儲齊成set添呀！」

唐寧脫離無綫大豐收

唐寧（Leila）雖已脫離無綫，但依然不愁工作。早前Leila便以接近七位數厚酬，到馬來西亞拍廣告兼順道旅遊；Leila又指今年單是上半年的收入已等同去年整年收入，故笑稱2010年是自己的豐收年。

Leila指今年算是入行以來的「豐收年」。

近年專注於內地拍劇及廣告工作的唐寧（Leila），早前到馬來西亞為美國skin care品牌拍廣告；由於該廣告在內地播放，故此廣告商原本欲找Leila到上海拍攝，不過鑑於「撞正」世博，為免混亂，大隊只好改變初衷轉到較遠的馬來西亞取景，令Leila大嘆無奈：「原本以為可以乘機去世博度走個轉，不過算啦，我份人都唔鍾意排隊嘅，去到都無用。」

遊覽馬國美景

向來乖巧的Leila，更不忘大讚廣告商對她寵愛有加，除了以接近七位數字厚酬邀請她拍廣告外，還替她騰出半天時間讓她有機會遊覽馬來西亞美景，Leila笑言：「我去咗馬來西亞最高嘅建築物雙子塔前面影相留念，又喺嗰度飲咗餐茶。（有咩特別點心？）無咩，最特別係嗰杯馬來西亞特飲，上面好多碎冰，裏面又軟綿綿、滑嘟嘟咁，好搞鬼。」Leila又指感激廣告商讓她帶同御用的化妝師Mae及髮型師Daniel同行：「我哋合作咗十幾年，好有默契，無佢哋我唔知點算。」

Leila在餐廳興奮點菜。

Leila最愛的馬來西亞特飲。

Leila在馬來西亞寓工作於娛樂。

攞假去玩碰壁

Leila又指今年算是入行以來的「豐收年」，皆因單是年頭的收入已等同去年整年的收入，問到豬籠入水的她有甚麼大計時，她即笑謂：「原本諗住下半年盡情攞假去玩，點知經理人批得嗰三日，激氣！」