王晶執導的《賭城風雲》在中港兩地賣座,博納公司決定以原班人馬開拍續集,但鑑於杜汶澤遭內地網民和戲院抵制,投資方在商業利益考慮,最後決定把他換掉,改而加入張家輝和劉嘉玲演出續集,影片於下月中在泰國開拍,之後會在香港和澳門取景。
上次在《金雞sss》中唱《誰明浪子心》放笑彈的家輝,將會參演《賭城風雲2》。劇照
構思全新故事
王晶昨日指續集會以全新故事出現,但周潤發、謝霆鋒和童菲的角色會保留。問到張家輝是否直接頂替杜汶澤原本的角色?他說:「唔係,阿澤的確唔會參演續集,但家輝係演另外一個全新角色,佢同發哥有唔少對手戲,應該會幾有火花。o依家續集陣容加強咗好多,等觀眾會有更多新鮮感。」
杜汶澤遭內地片商抵制,如今更慘遭飛出《賭城風雲》續集。劇照
張家輝為演出《賭2》,因此要押後10月才拍攝王晶監製、羅永昌執導的《跛豪》,昨日家輝接受電話訪問時說:「第一次同發哥合作,真係好開心,佢係影壇至尊,每個演員都希望可以同佢合作,今次我同佢有好多對手戲,自己都好緊張,喺戲入面我會演一位會計師,因為某啲原因,流落喺泰國,仲遇到賭神,之後就發生咗一連串事情。」
發哥與霆鋒齊齊演出續集,再鬥演技。劇照
再演喜劇角色
問家輝今次角色會否像化骨龍這類搞笑角色?他笑說:「唔係呢種啦!以前演得太多呢類角色!自己都覺得悶,所以我想構思另一種方法去演繹一個喜劇人物,呢部戲本身就係喜劇,所以我覺得以人物角度出發去搞笑,可能觀眾會有新鮮感,人要進步,唔可以永遠停留喺以前。」
劉嘉玲將會加盟演出,令陣容更強。資料圖片